24 Nunku monayi! tshipepele tshikole tshiakajuka pa mbuu, kuenzabi bua mavuala a mâyi abuikile buatu, kadi yeye uvua mulale.+

24 Dîba adi buatu bukavua ntanta mule* ne buloba, mavuala avua enda abatatshisha bualu tshipepele tshivua tshitangile kudibu. 25 Kadi pa tshilu tshinayi tshia butuku,* yeye wakaya kudibu, wenda wendela pa mbuu. 26 Pakamumona bayidi bende wendela pa mâyi, bakumvua buôwa, bamba ne: “Ntshilengulengu!” Bakela mbila bua buôwa. 27 Kadi Yezu wakabela dîyi, wamba ne: “Koleshayi muoyo! Mmeme; kanutshinyi to.”+ 28 Petelo wakamuandamuna ne: “Mukalenge, pikalabi ne: nguewe, tuma dîyi ndue kuudi pa mâyi.” 29 Wakamba ne: “Luaku!” Ke Petelo kupatuka mu buatu, kuendelaye pa mâyi ne kuyaye mutangile kudi Yezu. 30 Kadi pakatangilaye tshipepele tshikole, wakumvua buôwa. Nunku pakatuadijaye kudina, wakela dîyi ne: “Mukalenge, nsungila!” 31 Diakamue Yezu wakolola tshianza tshiende, kumukuata, kumuambilaye ne: “Wewe muena ditabuja dikese, uvua muelakane bua tshinyi?”+ 32 Pakabuelabu mu buatu, tshipepele tshikole tshiakabatama. 33 Pashishe, bavua mu buatu bakamunemekela,* bamba ne: “Wewe udi bushuwa Muana wa Nzambi.”