19 Kadi panufilabu, kanuditatshishi bua mushindu wa kuakula anyi bua tshia kuamba to, bualu tshinudi ne bua kuamba nebanupeshatshi pa dîba adi;+ 20 bualu ki nganu nuenu badi bakula to, kadi nyuma wa Tatu wenu ke udi wakuila mukana muenu.+

13 Kadi padi yeye au* ulua, nyuma wa bulelela, neanulombole mu bulelela buonso,+ bualu kakudiakuila mu yeye nkayende to, kadi yeye neakule malu adiye umvua ne neanumanyishe malu adi alua.+

12 Mpindieu tuetu katuvua bapete nyuma wa pa buloba to, kadi tuvua bapete nyuma wa kudi Nzambi,+ bua tumanye malu adi Nzambi mutupeshe ne bulenga buonso.

27 Kadi nuenu, diedibua manyi dinuvua bapete kudiye+ didi dishala munda muenu, ne kanuena dijinga ne muntu mukuabu ikale unulongesha to; kadi diedibua manyi dia kudiye didi dinulongesha bua malu onso,+ ndilelela, ki ndia dishima to. Anu bu mudidi dinulongeshe, nushale mu buobumue nende.+