33 Ndi munuambile malu aa bua nuikale ne ditalala ku butuangaji buanyi.+ Pa buloba nenuikale ne dikenga, kadi koleshayi muoyo! Ndi mutshimune ba pa buloba.”+

14 Bualu udi ditalala dietu,+ yeye uvua muvuije bisumbu bibidi bilue tshimue+ ne mubumbule tshimanu tshivua pankatshi tshivua tshibikosolole.+

6 Kanusamishi mutu bua tshintu nansha tshimue,+ kadi mu malu onso, ku diambuluisha dia disambila ne disengelela pamue ne disakidila, numanyishe Nzambi milombu yenu;+ 7 ne ditalala+ dia Nzambi didi dipite dijingulula dionso dia malu nedilame mioyo yenu+ ne bieledi bienu bia meji* ku butuangaji bua Kristo Yezu.

15 Bualu bukuabu, ditalala dia Kristo dilombole mioyo yenu,*+ bualu nuvua babikidibue ku ditalala adi mu mubidi umue. Nuikale kabidi bena dianyisha.

16 Mpindieu Mukalenge wa ditalala yeye nkayende anupeshe ditalala misangu yonso mu mishindu yonso.+ Mukalenge ikale nenu bonso.