22 Kadi mpindieu tangilayi, ndi nya ku Yelushalema musuika* kudi nyuma, nansha mundi tshiyi mumanye malu angenzekelaku, 23 kadi ndi mumanye anu ne: nyuma muimpe* udi utungunuka ne kunjadikila mu tshimenga ne mu tshimenga wamba ne: buloko ne makenga mbingindile.+

11 Nunku wakalua kutudi, kuangataye mukaba wa Paulo, kudisuikawu ku makasa ne ku bianza, kuambaye ne: “Nyuma muimpe* udi wamba nunku: ‘Bena Yuda nebasuike muena mukaba eu mushindu eu ku Yelushalema,+ ne nebamufile mu bianza bia bantu ba bisamba bikuabu.’”+

23 Mbena mudimu ba Kristo anyi? Ndi ngandamuna bu mupale ne: ndi muena mudimu wa Kristo udi mubapite bikole menemene: ndi muenze mudimu wa bungi,+ mubuele mu buloko misangu ne misangu,+ mututshibue misangu kayiyi kubala, muambe kufua misangu ya bungi.+ 24 Misangu itanu mvua mupete mikumu 40 kumbusha umue kudi bena Yuda,+ 25 misangu isatu bavua bankume ne milangala,+ bangase mabue musangu umue,+ mazuwa avua matutshibukile mu mâyi misangu isatu,+ mvua mupitshishile butuku bujima ne munya mujima pa mbuu; 26 mvua mu ngendu misangu ya bungi, mu njiwu pa misulu, mu njiwu ya kudi banyengianganyi ba bintu, mu njiwu ya kudi bantu ba tshisamba tshietu,+ mu njiwu ya kudi bantu ba bisamba bikuabu,+ mu njiwu mu tshimenga,+ mu njiwu mu tshipela, mu njiwu pa mbuu, mu njiwu munkatshi mua bana betu ba dishima, 27 mu mudimu mukole ne wa lutatu, mu dipangila tulu butuku misangu ne misangu,+ mu nzala ne nyota,+ mpangila biakudia misangu ya bungi,+ mu mashika ne dipangila bilamba.*

28 Pa kumbusha malu a pambelu au, kudi budi buntonda ku dituku ku dituku:* disamisha lungenyi bua bisumbu bionso.+

24 Ndi nsanka mpindieu mu makenga andi nawu bua bualu buenu,+ ne ndi ngenda nkenga makenga a Kristo atshidi mapangike mu mubidi wanyi bua bualu bua mubidi wende+ udi tshisumbu.+

12 Bua bualu ebu meme panyi ndi nkenga ne malu aa,+ kadi tshiena ngumvua bundu to.+ Bualu ndi mumanye Yeye undi muitabuje, ne ndi mushindike ne: udi ne bukole bua kulama tshindi mutekeshe kudiye too ne ku dituku adi.+