24 Yezu wakamba ne: “Shiyayi muaba, bualu bua muana wa bakaji ki mmufue to, kadi mmulale.”+ Bua bualu abu, bakatuadija kumuseka ne kapeja. 25 Pakapatulabu musumba wa bantu pambelu, yeye wakabuela, kumukuataye ku tshianza,+ muana wa bakaji kujukaye.+

14 Nunku wakasemena, kulengaye tshituadilu tshia tshitalu,* bambudi kuimanabu. Pashishe yeye kuamba ne: “Nsongalume, ndi nkuambila ne: Juka!”+ 15 Nunku, muntu uvua mufue au kusomba, kutuadijaye kuakula, Yezu kumufila kudi mamuende.+

43 Pakambaye malu aa, wakela lubila ne dîyi dikole ne: “Lazalo, patuka!”+ 44 Muntu uvua mufue eu wakapatuka, makasa ne bianza bijingila bilamba, ne mpala wende uvua mujingila tshilamba. Yezu wakabambila ne: “Mukutululayi, numulekele aye.”