19 “Bafue bebe nebikale ne muoyo.

Bitalu bianyi nebijuke.*+

31 Bua dibishibua dia bafue, kanuena babale tshivuabu banuambile kudi Nzambi, wakamba ne: 32 ‘Ndi Nzambi wa Abalahama, Nzambi wa Izaka ne Nzambi wa Yakoba’ anyi?+ Yeye kena Nzambi wa bafue, kadi ngua badi ne muoyo.”+

13 Kadi paudi ulongolola tshibilu, ubikile bapele, bantu badi batebuka, balema ne bampofu;+ 14 nunku newikale wa diakalenga, bualu kabena ne tshintu tshia kukufuta. Bualu neufutshibue ku dibishibua+ dia bantu bakane.”

28 Kanukemi bua bualu ebu, bualu dîba didi dilua diumvua bantu bonso badi mu nkita ya tshivulukilu dîyi diende+ 29 ne nebapatuke, bavua benza malu mimpe bua dibishibua ku lufu dia muoyo, bavua ne tshilele tshia kuenza malu mabi bua dibishibua ku lufu dia dilumbuluisha.+

25 Yezu wakamuambila ne: “Meme ndi dibishibua ku lufu ne muoyo.+ Muntu udi uleja ditabuja kundi, nansha yeye mufue, neapetulule muoyo;

35 Bakaji bakapeta bafue babu ku dibishibua dia ku lufu,+ kadi bantu bakuabu bakakengeshibua bibi bualu kabavua bitabe bua babalekele ku diambuluisha dia tshia kupikulangana natshi kampanda, bua bamone mua kupeta dibishibua ditambe buimpe.

12 Ngakamona bafue, banene ne bakese, bimane kumpala kua nkuasa wa bukalenge, ne bakabulula mivungu. Kadi bakabulula muvungu mukuabu; mmuvungu wa muoyo.+ Bafue bakalumbuluishibua bilondeshile malu avua mafunda mu mivungu eyi bilondeshile bienzedi biabu.+