30 Bulelela, Nzambi uvua mulengulule bikondo bia dipanga dia nunku;+ kadi mpindieu udi wambila bantu ba miaba yonso ne: badi ne bua kunyingalala bua mpekatu yabu. 31 Bualu mmusungule dituku didiye mupangadije bua kulumbuluisha+ mu buakane buloba budi bantu basombe ku butuangaji bua muntu udiye musungule, ne mmupeshe bantu bonso tshijadiki pa kumubisha ku lufu.”+

10 Bualu tuetu bonso tudi ne bua kumueneka* kumpala kua nkuasa wa tshilumbuluidi wa Kristo, bua muntu yonso afutshibue bilondeshile malu avuaye muenze pavuaye mu mubidi, nansha owu mimpe anyi mabi.*+