12 Pashishe Yehowa wakambila Abalama ne: “Umbuka mu buloba buenu, uye kule ne balela bebe ne nzubu wa tatuebe, uye ku buloba bungakuleja.+ 2 Nenkuvuije tshisamba tshinene, nenkubeneshe, nemvuije dîna diebe dinene, ne neulue dibenesha.+ 3 Nembeneshe badi bakubenesha, kadi muntu udi ukujingila diakabi nemmuele mulawu;+ bulelela, mêku onso a pa buloba neabeneshibue* ku diambuluisha diebe.”+

5 Dîna diebe kadiakuikala kabidi Abalama* to; dîna diebe nedilue Abalahama,* bualu nenkuvuije tatu wa bisamba bia bungi. 6 Nengenze bua ulele bana ba bungi, ba bungi menemene, nenkuvuije bisamba, ne bakalenge nebafumine kuudi.+

17 meme nenkubeneshe bushuwa ne nemvudije bushuwa muanebe* bu mitoto ya muulu ne bu nsenga ya ku muelelu kua mbuu;+ ne muanebe* neanyenge tshiibi* tshia bena lukuna bende.+ 18 Ku diambuluisha dia muanebe,*+ bisamba bionso bia pa buloba nebipete dibenesha buabi biobi, bualu udi mumvue dîyi dianyi.’”+