3 Kadi Shaula yeye wakatuadija kukengesha tshisumbu bibi menemene. Uvua ubuela mu nzubu ne mu nzubu, upulumunamu balume ne bakaji pambelu ne ubelesha mu buloko.+

9 Kadi bu muvua Shaula anu ufunyina bayidi ba Mukalenge ne ujinga kubashipa,+ wakaya kudi muakuidi munene, 2 kumulombaye mikanda ya kuya nayi mu nsunagoga ya ku Damaseke bua kusuika bantu bonso ba mu Njila+ bavuaye upeta ne kulua nabu ku Yelushalema, balume ne bakaji.

4 Mvua mukengeshe Njila eu too ne ku lufu, nsuika balume ne bakaji, mbelesha mu maloko,+

9 Ku luanyi luseke, mvua mutuishibue ne: mvua ne bua kuenza malu a bungi bua kuluisha dîna dia Yezu muena Nazaleta. 10 Ke tshimvua muenze menemene ku Yelushalema, ne mvua mueleshe bansantu ba bungi mu maloko,+ bualu mvua mupete bukokeshi kudi bamfumu ba bakuidi;+ ne pavuabu ne bua kubashipa, mvua nganyisha panyi. 11 Mvua mbanyoka misangu ya bungi mu nsunagoga yonso, nkeba kubenzeja ku bukole bua balekele ditabuja diabu; bu mumvua mubakuatshile tshiji tshikole, mvua nya kubakengesha too ne mu bimenga bia kule.