23 Kadi bantu basatu aba: Shadalaka, Meshaka, ne Abedenego bakamata mu tshikutu tshia kapia basuika.

24 Pashishe, mukalenge Nebukadenesâ wakumvua buôwa, kujukaye lukasa ne kuebejaye bakokeshi bende banene ne: “Katuvua basuike bantu basatu, babele mu kapia anyi?” Bobu kuandamuna mukalenge ne: “Eyowa, mukalenge wetu.” 25 Yeye kuamba ne: “Monayi! Ndi mmona bantu banayi batambakana badilekelele munkatshi mua kapia, ne ki mbapete njiwu, kadi muinayi udi umueneka bu muana wa banzambi.”