19 Mpindieu malu a mubidi adi amueneka patoke; ngowu aa: masandi,*+ malu a bukoya, tshikadilu tshia dikamakama,*+ 20 ditendelela dia mpingu, malu a mîdima,*+ lukuna, matandu, mukawu, biji bikole bia lukasa, makokianganyi, matapuluka, tusumbusumbu, 21 dialakana, dikuatshika dia maluvu,+ bibilu bia bisankasanka* ne malu a buena aa.+ Ndi ndianjila kunudimuija bua malu aa anu munkavua munudimuije ne: bantu badi benza malu a nunku kabakupiana Bukalenge bua Nzambi to.+

5 Bualu nudi bamanye bualu ebu, babujingulule bimpe nuenu nkayenu ne: kakuena muena masandi*+ anyi muntu udi mukoya anyi muena lukuka,+ mmumue ne: kuikala mutendeledi wa mpingu, udi ne bumpianyi mu Bukalenge bua Kristo ne bua Nzambi to.+

8 Kadi bua bena buôwa ne badi kabayi ne ditabuja+ ne badi benza muengu mu bukoya buabu ne bashipianganyi+ ne bena masandi*+ ne bantu badi benza malu a mîdima ne batendeledi ba mpingu ne bena mashimi bonso,+ tshiabu tshitupa netshikale mu dijiba didi ditema ne kapia ne sufre.+ Etshi tshidi tshiumvuija lufu luibidi.”+