Misambu
149 Tumbishayi Yah!*
2 Isalele asankile mu Mufuki wende Munene;+
Bana ba Siona basankile mu Mukalenge wabu.
3 Batumbishe dîna diende ne maja+
Ne bamuimbile misambu ya butumbi* tshiapamue ne ngoma wa ku bianza ne lunzenze.+
4 Bualu Yehowa udi usanka bua bantu bende.+
Udi ulengeja bena bupuekele ne lupandu.+
5 Bena lulamatu basankile mu butumbi bikole;
Bele mbila ya disanka pa malalu abu.+
6 Misambu idi itumbisha Nzambi yikale pa muminu wabu,
Ne muele wa mvita wa ntapa kubidi mu tshianza tshiabu,
7 Bua kusombuela bisamba
Ne bua kupesha bukua bantu dinyoka,
8 Bua kusuika bakalenge babu ne shene
Ne banene babu ne nkanu ya tshiamu tshifiike,
9 Bua kufila dinyoka dia dilumbuluisha didibu babafundile.+
Diakalenga edi ndia bena lulamatu bende bonso.
Tumbishayi Yah!*