Misambu

 2 Matutu ne mifitu mikole mbimunyunguluke;+

Buakane ne kulumbuluisha kuakane bidi tshishimikidi tshia nkuasa wende wa bukalenge.+

 3 Kapia kadi kaya kumpala kuende+

Ne kadi kosha baluishi bende nseke yonso.+

 4 Mipenyi yende idi itokesha buloba;

Buloba budi bumona bualu ebu ne budi buzakala.+

 5 Mikuna idi yenguluka bu dipula dia buitshi kumpala kua Yehowa,+

Kumpala kua Mukalenge wa buloba bujima.

 6 Diulu didi dimanyisha buakane buende,

Ne bukua bantu buonso budi bumona butumbi buende.+

 7 Bonso badi benzela lupingu lusonga mudimu bafuishibue bundu,+

Badi baditumbisha bua nzambi yabu ya patupu.+

 8 Siona udi uteleja, udi usanka;+

Bimenga* bia mu Yuda bidi ne disanka

Bua mêyi ebe a dilumbuluisha, wewe Yehowa.+

 9 Bualu wewe, Yehowa, udi Mutambe Bunene pa mutu pa buloba buonso;

Udi mubandishibue bikole ku mutu kua nzambi mikuabu yonso.+

Yeye udi ulama mioyo* ya badi bamulamate;+

Udi ubasungila ku tshianza tshia* bantu babi.+

11 Butoke mbupatuke bua bantu bakane,+

Ne disanka bua badi balulame mu mioyo yabu.

12 Sankilayi mu Yehowa, nuenu bantu bakane,

Elayi dîna* diende dia tshijila tuasakidila.