Misambu

Mutumbishayi, nuenu bena mudimu ba Yehowa,

Tumbishayi dîna dia Yehowa.

 2 Dîna dia Yehowa ditumbishibue

Kutuadijila ku mpindieu too ne kashidi.+

 3 Kumbukila ku dipatuka dia dîba too ne ku dibuela diadi,

Dîna dia Yehowa ditumbishibue.+

 4 Yehowa udi kuulu ku mutu kua bisamba bionso;+

Butumbi buende budi pa mutu pa diulu.+

 5 Nnganyi udi bu Yehowa Nzambi wetu,+

Yeye udi musombele* muulu?

 6 Udi winama panshi bua kutangila diulu ne buloba,+

 7 Ujula muntu mupuekele mu lupuishi.

Udi ujula mupele mu mushiki wa butu*+

 8 Bua kumusombesha pamue ne bantu banene,

Pamue ne banene ba bantu bende.

 9 Yeye udi upesha mukaji udi nkumba nzubu

Ulua mamu wa disanka udi ne bana.*+