Misambu

145 Nenkutumbishe, wewe Nzambi Mukalenge wanyi,+

Nentumbishe dîna diebe kashidi ne tshiendelele.+

 2 Nenkutumbishe dituku dijima;+

Nentumbishe dîna diebe kashidi ne tshiendelele.+

 3 Yehowa mmunene ne mutambe kuakanyina butumbi;+

Bunene buende kabuena kujingulula.*+

 4 Bantu ba mu tshipungu ne mu tshipungu nebatumbishe midimu yebe;

Nebamanyishe bienzedi biebe bia bukole.+

 5 Nebakule bua butumbi bua bulengele bua bunême buebe+

Ne meme nengelangane meji bua midimu yebe ya dikema.

 6 Nebakule bua bienzedi* biebe bidi bikuatshisha buôwa,

Ne meme nemmanyishe bunene buebe.

 7 Miaku neyifuilakane mukana muabu padibu bavuluka buimpe buebe buvule,+

Ne nebele mbila ne disanka bua buakane buebe.+

 8 Yehowa udi uditeka pa muaba wa bakuabu* ne udi ne luse,+

Kena ukuata tshiji lukasa ne mmunene mu dinanga dia lulamatu.+

 9 Yehowa udi muimpe kudi bantu bonso,+

Ne luse luende ludi lumuenekela mu midimu yende yonso.

10 Midimu yebe yonso neyikutumbishe, wewe Yehowa,+

Ne bena lulamatu bebe nebakutumbishe.+

11 Nebamanyishe butumbi bua bumfumu buebe+

Ne nebakule bua bukole buebe,+

ל [Lamede]

12 Bua kumanyisha bantu bienzedi biebe bia bukole+

Ne butumbi bua bulengele bua bumfumu buebe.+

13 Bumfumu buebe mbumfumu bua tshiendelele,

Ne bukokeshi buebe budi bushalaku mu bipungu bionso bia bantu.+

14 Yehowa udi ukuatshisha bonso badi badishinda+

Ne udi ujalamija bonso badi biname.+

15 Mêsu onso adi atangila kuudi ne ditekemena;

Wewe udi ubapesha biakudia biabu mu tshikondo tshiabi.+

16 Wewe udi ubulula tshianza tshiebe

Ne udi ukumbaja dijinga dia tshintu tshionso tshidi ne muoyo.+

17 Yehowa mmuakane mu njila yende yonso+

Ne udi ne lulamatu mu bionso bidiye wenza.+

18 Yehowa udi pabuipi ne bonso badi bamubila,+

Ne bonso badi bamubila mu bulelela.*+

19 Udi ukumbaja dijinga dia bonso badi bamutshina;+

Udi umvua muadi wabu wa dilomba diambuluisha, ne udi ubasungila.+

20 Yehowa udi ulama bonso badi bamunange,+

Kadi bantu babi bonso neababutule.+

21 Mukana muanyi nemumanyishe butumbi bua Yehowa;+

Tshintu tshionso tshidi ne muoyo* tshitumbishe dîna diende dia tshijila kashidi ne tshiendelele.+