Misambu
Kudi muludiki; wa Gitita.* Wa Asafa.+
81 Elelayi Nzambi udi bukole buetu mbila ne disanka.+
Elelayi Nzambi wa Yakoba mbila ya ditshimuna.
2 Tuadijayi kuimba mijiki ne ambulayi ngoma wa ku bianza,
Ne lunzenze lua mijiki mimpe pamue ne tshiombelu tshia nshinga.
4 Bualu edi ndîyi dielela Isalele,
Mmukenji wa Nzambi wa Yakoba.+
Ngakumvua dîyi* dimvua tshiyi mujingulule ne:
6 “Mvua mumbushe bujitu pa dikaya diende;+
Bianza biende biakumbushibua ku tshibondo, kushalabi bidilekelele.
Ngakakuteta ku mâyi a Meliba.*+ (Sela)
8 Telejayi, nuenu bantu banyi, nengambe malu a kunutuisha nawu.
Wewe Isalele, bu wewe nansha unteleja.+
9 Munkatshi muebe kamuakuikala nzambi muenyi to,
Ne kuakuinamina nzambi wa ku babende nansha.+
10 Meme Yehowa ndi Nzambi webe,
Yeye uvua mukupatule mu buloba bua Ejipitu.+
Bulula mukana muebe, meme nemmuwuje.+
11 Kadi bantu banyi kabakateleja dîyi dianyi;
Isalele kakankokela.+
14 Mvua mua kukokesha bena lukuna babu ne lukasa;
Mvua mua kukudimuna tshianza tshianyi bua kuluisha baluishi babu.+
15 Badi bakine Yehowa nebadibombe kumpala kuende,
Ne tshiabafikila* netshikalaku kashidi.