Misambu

132 Yehowa wetu, vuluka Davidi

Ne dikenga diende dionso;+

 2 Muvuaye muditshipe kudi Yehowa,

Muvuaye muenze mutshipu kudi Wa Bukole wa Yakoba ne:+

Tshiakulala pa kalalu kanyi, pa bulalu buanyi to;

 4 Tshiakuitaba bua mêsu anyi alale,

Anyi bua bilafinyi bianyi bibungile

 5 Too ne pandi mpetela Yehowa muaba,

Nzubu* muimpe bua Wa Bukole wa Yakoba.”+

 6 Mona! Tuvua bumvue bualu ebu mu Efelata;+

Tuvua babusangane mu mpata ya muitu.+

 7 Tubuelayi mu nzubu wende;*+

Tuinamayi ku tshitekelu tshiende tshia makasa.+

 8 Yehowa wetu, juka bua kulua muaba webe wa kuikishila,+

Wewe ne Mushete wa bukole buebe.+

 9 Bakuidi bebe bavuale buakane,

Ne bena lulamatu bebe bele mbila ne disanka.

10 Bua bualu bua Davidi muena mudimu webe,

Kubengi* muela manyi webe.+

11 Yehowa mmuditshipe kudi Davidi;

Bushuwa, yeye kakupinganyina dîyi diende dia ne:

“Umue wa ku bana bebe,*

Nemmuteke mu nkuasa webe wa bukalenge.+

12 Bana bebe bobu balame tshipungidi tshianyi

Ne mavuluija anyi andi mbalongesha,+

Bana babu pabu

Nebasombe mu nkuasa webe wa bukalenge kashidi.”+

13 Bualu Yehowa mmusungule Siona;+

Yeye mmumujinge bua ikale muaba wende wa kusombela wamba ne:+

14 “Eu mmuaba wanyi wa kuikishila kashidi;

Nensombele muaba eu,+ bualu ke dijinga dianyi.

15 Nemmubeneshe bikole ne bintu bia kudia;

Nengukutshishe bapele bende ne diampa.+

16 Nemvuadike bakuidi bende lupandu,+

Ne bena lulamatu bende nebele mbila ne disanka.+

18 Nemvuadike bena lukuna bende bundu,

Kadi tshifulu tshia butumbi* tshidi ku mutu kuende netshitante.”+