Misambu

67 Nzambi neatuleje luse ne neatubeneshe;

Yeye neatukenkeshile mpala wende+ (Sela)

 2 Bua njila webe amanyike pa buloba bujima,+

Ne bienzedi biebe bia lupandu munkatshi mua bisamba bionso.+

 3 Bukua bantu bukutumbishe, Nzambi wetu;

Bukua bantu buonso bukutumbishe.

 4 Bisamba bisanke ne biele mbila ne disanka,+

Bualu neulumbuluishe bukua bantu biakane.+

 5 Bukua bantu bukutumbishe, Nzambi wetu;

Bukua bantu buonso bukutumbishe.

 6 Buloba nebupatule bintu biabu;+

Nzambi, Nzambi wetu, neatubeneshe.+

 7 Nzambi neatubeneshe,

Ne ntengu yonso ya buloba neyimutshine.*+