Misambu
Wa Davidi.
28 Kuudi wewe nkundi ntungunuka ne kuela lubila, Yehowa Dibue dianyi;+
Kunkangidi matshi ebe.
2 Teleja mitendekenu yanyi pandi nkudidila ndomba diambuluisha,
Pandi mbandisha bianza bianyi bitangija ku nzubu wa munda menemene mua muaba webe munsantu.+
3 Kungumbushi pamue ne bantu babi, pamue ne batu benza malu mabi,+
Badi bambila muinabu mêyi a ditalala eku malu mabi mikale mu mioyo yabu.+
4 Ubafute bua malu adibu benza,+
Bilondeshile bienzedi biabu bibi.
Ubafute bua mudimu wa bianza biabu,
Bilondeshile malu adibu benze.+
Neababumbule ne kakubibaka nansha.
6 Yehowa atumbishibue,
Bualu mmuteleje mitendekenu yanyi ya dilomba diambuluisha.
Ndi mupete diambuluisha diende, ne muoyo wanyi udi usanka,
Nunku, nemmutumbishe ne musambu wanyi.
8 Yehowa udi bukole bua bantu bende;
Udi tshisokomenu, upetesha muela manyi wende lupandu lunene.+
9 Pandisha bantu bebe, ne benesha bumpianyi buebe.+
Ubalame ne ubambule mu maboko ebe bua kashidi.+