Mukanda muibidi wa Samuele

 3 Nzambi wanyi ndibue dianyi+ kundi nyemena,

Ngabu wanyi+ ne lusengu* lua lupandu luanyi,* tshinyemenu tshianyi tshikole*+

Ne muaba wanyi wa kunyemena,+ mupandishi wanyi;+ wewe udi umpandisha ku tshikisu.

 4 Ndi mbila Yehowa udi muakanyine butumbi,

Ne nempandishibue kudi bena lukuna banyi.

 5 Mavuala a lufu avua matute ku nseke yanyi yonso;+

Disapalala dia mâyi a bungi dia mu tshintuluntulu dia bantu tshianana divua dinkuatshishe buôwa bukole.+

 6 Mionji ya Lukita* ivua minnyunguluke;+

Mateyi a lufu avua mangimanyine kumpala.+

 7 Mu dikenga dianyi ngakabila Yehowa,+

Kudi Nzambi wanyi ngakatungunuka ne kubikila.

Nunku wakatelejila dîyi dianyi mu ntempelo wende,

Muadi wanyi wa kulomba diambuluisha wakafika mu matshi ende.+

 8 Buloba buakatuadija kunyukuka ne kukanka kumpala ne panyima;+

Bishimikidi bia diulu biakazakala+

Ne biakatenkakana kumpala ne panyima bualu bavua bamufiikishe munda.+

 9 Muishi wakabanda ufuma mu mimpempe yende,

Ne kapia kadi kashidisha kakapatuka mukana muende;+

Makala adi akenka ne kapia akatema afumina kudiye

10 Wakinamija diulu pavuaye upueka,+

Ne mifitu mikole ivua muinshi mua makasa ende.+

12 Pashishe wakateka mîdima ku nseke yende yonso bu muaba wa kueyema,+

Mu mâyi mafiikuluke ne matutu a mifitu.

14 Pashishe Yehowa wakatuadija kukungula mu diulu;+

Mutambe Bunene wakenza bua dîyi diende diumvuike.+

15 Wakela mikete yende,+ kubatangalajaye;

Mipenyi, kubabuejaye mu kayumbayumba.+

16 Panshi pa mbuu pakamueneka;+

Bishimikidi bia buloba biakedibua patoke bua kutanda kua Yehowa,

Bua dipatuka dia mupuya mu mimpempe yende.+

17 Yeye muulu wakobokela panshi;

Wakankuata, kumpatulaye mu mâyi male.+

18 Wakansungila kudi muena lukuna wanyi wa bukole,+

Kudi badi bankine, bavua bampite bukole.

19 Bakanduisha mu dituku dia dikenga dianyi,+

Kadi Yehowa uvua mukuatshishi wanyi.

20 Wakampatula kuya nanyi muaba udi kawuyi njiwu;*+

Wakansungila bualu uvua usanka bua bualu buanyi.+

21 Yehowa udi umfuta bilondeshile buakane buanyi;+

Udi umfuta bilondeshile bianza bianyi bidi kabiyi ne bualu.*+

22 Bualu ndi mulame njila ya Yehowa,

Tshiena mulekele Nzambi wanyi mu bubi to.

23 Mêyi ende onso a dilumbuluisha+ adi kumpala kuanyi;

Tshiakusesuka ku mêyi ende mafunda.+

24 Nenshale tshiyi ne kalema+ kumpala kuende,

Nendilame bua tshienji tshilema.+

25 Yehowa amfute bilondeshile buakane buanyi,+

Bilondeshile dibenga kuikala dianyi ne bualu kumpala kuende.+

26 Muntu udi ne lulamatu, wewe udi umuenzela malu ne lulamatu;+

Muntu udi kayi ne kalema, tshilobo, wewe udi umuenzela malu kakuyi kalema;+

27 Kudi muntu udi mukezuke, wewe udi udileja mukezuke,+

Kadi kudi muntu udi ne malu makonyangale, wewe udi udileja mudimuke.*+

28 Bualu wewe udi upandisha badi badipuekesha,+

Kadi mêsu ebe kaena atangila badi badibandisha, ne udi ubapuekesha.+

29 Bualu wewe Yehowa wanyi udi muendu wanyi;+

Yehowa ke udi utokesha mîdima yanyi.+

30 Ku diambuluisha diebe ndi mua kudiela mudi tshisumbu tshia benzavi;

Ku bukole bua Nzambi ndi mua kubanda pa tshimanu.+

31 Njila wa Nzambi mulelela mmupuangane;+

Dîyi dia Yehowa ndilengejibue.+

33 Nzambi mulelela udi muaba wanyi mukolesha bikole,+

Ne yeye neavuije njila wanyi mupuangane.+

34 Yeye udi uvuija makasa anyi bu bikono bia ngulungu;

Udi ungimanyika pa miaba mitumbuke.+

35 Yeye udi ulongesha bianza bianyi bua kuluangana mvita;

Maboko anyi adi mua kunana buta bua mikete bua tshiamu tshia mitaku.

36 Wewe udi umpesha ngabu webe wa lupandu,

Ne didipuekesha diebe didi dimvuija muntu munene.+

37 Wewe udi walabajila bidia bia makasa anyi njila;

Makasa anyi* kaakuselemuka to.+

38 Nendondakaje bena lukuna banyi, nembabutule;

Tshiakupingana too ne padibu bajimijibua.

39 Nembajimije ne nembazaze bua kabamonyi mua kujuka;+

Nebadishinde muinshi mua makasa anyi.

40 Neumpaye ne bukole bua mvita;+

Neukuluishe baluishi banyi muinshi muanyi.+

41 Neupingajije bena lukuna banyi tshianyima bumbuka kundi,*+

Nenshikije* badi bankine.+

42 Badi badila balomba diambuluisha, kadi kakuena muntu wa kubapandisha;

Badi badidila too ne Yehowa, kadi kena ubandamuna.+

43 Nembatue mbabotesha anu bu lupuishi lua pa buloba;

Nembazaze ne nembadiatakaje anu bu bitotshi mu misesu.

Neundame bua meme kuikala ku mutu kua bisamba.+

Tshisamba tshindi tshiyi mumanye netshinkuatshile mudimu.+

45 Bantu ba ku babende nebalue kudibomba bua kunkokela;+

Malu umvuabu bua bualu buanyi neabasake bua kuntumikila.*

46 Bantu ba ku babende nebajimije dikima;*

Nebafumine mu miaba yabu mikolesha ya kusokomena benda bazakala.

48 Nzambi mulelela udi usombuela bantu bua bualu buanyi;+

Udi uteka bukua bisamba ku bukokeshi buanyi;+

49 Yeye udi unsungila kudi bena lukuna banyi.

Wewe udi umbandisha muulu+ pa mutu pa badi bambunda;

Udi umpandisha kudi muena tshikisu.+

50 Ke bualu kayi nenkuele tuasakidila munkatshi mua bisamba, Yehowa wanyi,+

Ne nengimbe misambu ya kutumbisha nayi* dîna diebe:+

51 Yeye udi wenzela mukalenge wende bienzedi binene bia lupandu;*+

Udi uleja dinanga dia lulamatu kudi muela manyi wende,

Kudi Davidi ne bana* bende bua kashidi.”+