Misambu

Kudi muludiki; wa kuimba tshiapamue ne biombelu bia nshinga. Wa Davidi.

61 Nzambi wanyi, umvua muadi wanyi wa dilomba diambuluisha.

Teya ntema ku disambila dianyi.+

2 Kumbukila ku ntengu ya buloba, nengele lubila kuudi

Padi muoyo wanyi mushikile.*+

Ndombola too ne pa dibue didi dile dimpite.+

3 Bualu wewe udi tshinyemenu tshianyi,

Tshibumba tshikole tshidi tshinkuba kudi muena lukuna.+

4 Nentudile mu ntenta webe kashidi;+

Nenyemene muaba wa kupengama* wa mu mapuapua ebe.+ (Sela)

5 Bualu wewe, Nzambi wanyi, udi mumvue mitshipu yanyi.

Udi mumpeshe bumpianyi bua badi batshina dîna diebe.+

6 Neusakidile matuku ku muoyo wa* mukalenge,+

Ne bidimu biende nebikalaku mu bantu ba tshipungu ne tshipungu tshionso.

7 Yeye neasombe mu nkuasa wa bukalenge* kashidi kumpala kua Nzambi;+

Mupesha* dinanga dia lulamatu pamue ne lulamatu, bua biobi ebi bimukube.+

8 Nunku nengimbe misambu ya kutumbisha nayi* dîna diebe kashidi+

Pandi nkumbaja mitshipu yanyi ku dituku ne ku dituku.+