MUSAMBU WA SOLOMO
1 Musambu wa ku misambu,* udi musambu wa Solomo:+
2 “Yeye antue mishiku ne dituangana dia mishiku dia mukana muende,
Bualu mishindu yebe ya kuleja dinanga mmimpe kupita mvinyo.+
3 Dipembu dia mafuta ebe didi disankisha.+
Dîna diebe didi bu mafuta a dipembu dimpe mapongolola.+
Ke bualu kayi bansongakaji mbakunange.
4 Uye nanyi;* tunyeme lubilu.
Mukalenge mmumbueje mu nzubu yende ya munda!
Tuikale ne disanka ne tusankile mu wewe.
Tutumbishe* mishindu yebe ya kuleja dinanga kupita mvinyo.
Bobu* mbakunangilamu.
5 Nuenu bana ba bakaji ba mu Yelushalema, ndi mufiike, kadi mulengele
Bu ntenta ya mu Kedâ,+ bu bilamba bia ntenta+ wa Solomo.
6 Kanushadi bantangile bua mundi mufiikuluke,
Bualu munya mmungoshe.
Bana ba balume ba mamuanyi bavua bamfiikile munda;
Bakanteka mulami wa madimi a tumuma tua mvinyo,
Kadi buanyi budimi bua tumuma tua mvinyo tshivua mubulame.
7 Ngambila, wewe undi munange* bikole,
Muaba uudi udishila tshisumbu tshia mikoko yebe,+
Muaba uudi uyiladika munda munya.
Bua tshinyi ndi mua kulua bu mukaji udi mudijingile tshilamba*
Munkatshi mua bisumbu bia mikoko ya balunda bebe?”
8 “Biwikala kuyi mumanye, wewe mukaji mutambe bakuabu bulengele,
Ndaku ulonda bikono bia tshisumbu tshia mikoko
Ne udishile bana bebe ba mbuji pabuipi ne ntenta ya balami.”
9 “Munanga wanyi, ndi nkufuanyikija ne dishina dia* kabalu munkatshi mua matempu a Palô.+
10 Matama ebe mmalengele ne bilengejilu,*
Nshingu webe mmulengele ne nshinga ya masanga.
11 Netukuenzele bilengejilu* bia or
Bilamika tutata tua arjan.”
13 Munanga wanyi udi kundi bu kabombi ka mire wa dipembu dimpe+
Kalale pankatshi pa mabele anyi butuku bujima.
14 Munanga wanyi udi kundi bu tshisumbu tshia bilongo bia yina+
Munkatshi mua madimi a tumuma tua mvinyo a mu Ene-gedi.”+
15 “Mona! Udi muimpe kumona, munanga wanyi.
Mona! Udi muimpe kumona. Mêsu ebe nga nyunyi ya nkutshi.”+
16 “Mona! Udi muimpe kumona,* munanga wanyi, ne udi ufila disanka!+
Bulalu buetu budi munkatshi mua mabeji a mitshi.
17 Maleka a nzubu wetu* mmitshi ya sedre,
Mikamba yetu mmitshi ya jenevriye.
2 “Ndi anu tshilongo tshia safran* tshia mu mpata wa ku muelelu kua mbuu,
Tshilongo tshia kapapankole tshia mu bibandabanda.”+
2 “Bu mudi tshilongo tshia kapapankole munkatshi mua mêba,
Ke mudi munanga wanyi munkatshi mua bana ba bakaji.”
3 “Anu mudi mutshi wa pome munkatshi mua mitshi ya mu ditu,
Ke mudi munanga wanyi munkatshi mua bana ba balume.
Ndi njinga ne muoyo mujima bua kusomba mu mundidimbi wende,
Ne tshimuma tshiende ntshishême mukana muanyi.
4 Wakambueja mu nzubu wa didia dia disanka,*
Ne dibendele diende divua pa mutu panyi divua dinanga.
5 Unkoleshe ne mikata ya tumuma tua mvinyo;+
Unkuatshishe ne bimuma bia pome,
Bualu dinanga didi dinsamisha.
6 Tshianza tshiende tshia bakaji tshidi muinshi mua mutu wanyi,
Ne tshianza tshiende tshia balume ntshingele mu tshitupa.+
7 Ndi nnutshipisha, nuenu bana ba bakaji ba mu Yelushalema,
Mu dîna dia tubuluku+ ne ngulungu ya mu mpata, ne:
Kanutetshi kubisha anyi kujula dinanga munda muanyi too ne padidi didijukila.+
8 Dîyi dia munanga wanyi!
Tangilayi, nyeye au ulua,
Wenda ubanda mikuna minene, wenda utumpika mikuna mikese!
9 Munanga wanyi udi anu bu kabuluku, anu bu muana mulume wa ntole.+
Nyeye au, muimane panyima pa tshimanu tshietu,
Utangidila pa madidishi,
Uponguela pa masoso a ku madidishi.
10 Munanga wanyi udi wakula, udi ungambila ne:
‘Juka, munanga wanyi,
Muimpe kumona wanyi, luaku tuye.
11 Mona, muvu wa mashika makole* wapitshi!
Mvula ikadi mijike, mipite ne kupita.
13 Mutshi wa mfigi mmubobeshe tumuma tuawu tua mfigi tua diambedi;+
Mionji ya tumuma tua mvinyo mmiele bilongo ne idi ituma dipembu diayi.
Juka, munanga wanyi, luaku.
Muimpe kumona wanyi, luaku tuye.
14 Wewe nkutshi wanyi, mu miaba ya kupengama ya ku mukuna wa dibue,+
Mu miaba ya kusokomena ya mu lubuebue,
Nkumonaku ne ngumvuaku dîyi diebe,+
Bualu dîyi diebe didi disankisha ne tshimuenekelu tshiebe ntshimpe.’”+
15 “Tukuatshilayi mikenge,
Bana ba mikenge badi banyanga madimi a tumuma tua mvinyo,
Bualu madimi etu a tumuma tua mvinyo mmele bilongo.”
16 “Munanga wanyi nguanyi meme, ne meme ndi wende yeye.+
Udi udishila mikoko+ munkatshi mua bilongo bia kapapankole.+
17 Too ne padi kapepe katekete ka dituku edi katuta* ne mindidimbi ijimina,
Pingana lukasa, wewe munanga wanyi,
Bu kabuluku+ anyi muana mulume wa ntole+ pa mikuna idi itapulula.*
Ngakamukeba, kadi tshiakamupeta to.+
2 Nenjuke ne nentambakane mu tshimenga;
Mu misesu ne mu miaba ya tshinsangansanga,
Ndekelayi nkebe undi munange.*
Ngakamukeba, kadi tshiakamupeta to.
3 Bansentedi bavua benda banyunguluka mu tshimenga bakampeta.+
Ngakabebeja ne: ‘Nudiku bamone undi munange* anyi?’
4 Anu mpitangana nabu,
Meme kupeta undi munange.*
Meme kumukuata, tshiyi mua kumulekela
Too ne pangakamubueja mu nzubu wa mamuanyi,+
Mu nzubu wa munda wa yeye uvua mungimite.
5 Ndi nnutshipisha, nuenu bana ba bakaji ba mu Yelushalema,
Mu dîna dia tubuluku ne ngulungu ya mu mpata, ne:
Kanutetshi kubisha anyi kujula dinanga munda muanyi too ne padidi didijukila.”+
6 “Etshi ntshinyi tshidi tshilua tshifumina mu tshipela bu makunji a muishi,
Tshidi ne dipembu dia mire ne dia budimbu bua mupuya muimpe,
Ne misenga yonso ya mapembu ya ngenda mushinga?”+
7 “Mona! Ntshipoyi tshia Solomo.
Mbatshinyunguluke kudi bilobo 60
Bia mu bilobo bia mu Isalele,+
8 Buonso buabi mbiambule miele ya mvita,
Bionso mbilongesha mvita,
Tshionso ne watshi muele ku luseke luatshi
Bua kudimukila bintu bia butuku bidi bienza buôwa.”
10 Mikolo yatshi wakayenza ne arjan,
Bieyemenu biatshi ne or.
Tshisombedi tshiatshi ntshia miosa mikunzubile ya mikoko;
Munda muatshi muvua mulengeja bimpe
Kudi bana ba bakaji ba mu Yelushalema.”
11 “Patukayi, nuenu bana ba bakaji ba Siona,
Tangilayi mukalenge Solomo
Muvuale tshifulu tshia butumbi* tshia dibaka tshivua mamuende+ mumuenzele
Dituku dia dibaka diende,
Dituku dia disanka dia muoyo wende.”
4 “Mona! Udi muimpe kumona, munanga wanyi!
Mona! Udi muimpe kumona!
Mêsu ebe nga nyunyi ya nkutshi mu tshilamba tshiudi mudibuikile ku mutu.
Nsuki yebe idi bu tshisumbu tshia mbuji
Ipueka pa mikuna ya Gilada.+
2 Mênu ebe adi bu tshisumbu tshia mikoko idibu bafume ku dikosa miosa
Idibu bafume ku diowesha mâyi,
Buonso buayi idi ilela bana ba mapasa,
Ne kakuena nansha umue udi mujimije muana.
3 Mishiku yebe idi bu buanda bukunze kunzuu,
Ne mêyi ebe adi asankisha.
Bu mudi tshipese tshia tshimuma tshia grenade*
Ke mudi matama ebe* mu tshilamba tshiudi mudibuikile ku mutu.
4 Nshingu webe+ udi bu tshibumba tshia Davidi,+
Tshibaka ne milongo ya mabue
Tshidibu bakudikaku ngabu tshinunu,
Ngabu ya bijengu yonso ya bilobo.+
5 Mabele ebe abidi adi bu bana babidi ba ngulungu,
Bana ba mapasa ba kabuluku+
Badi badia munkatshi mua bilongo bia kapapankole.”
6 “Too ne padi kapepe katekete ka dituku edi katuta* ne mindidimbi ijimina,
Nenye ku mukuna munene wa mire
Ne ku mukuna mukese wa budimbu bua mupuya muimpe.”+
7 “Munanga wanyi, udi muimpe kumona wewe yonso mujima,+
Kuena ne kalema nansha kamue.
8 Luaku tumbuke mu Lebanona, mubangila wanyi,
Luaku tumbuke mu Lebanona.+
Tuluka ku lusongo lua mukuna wa Amana,*
Ku lusongo lua mukuna wa Senî, lusongo lua mukuna wa Hêmona,+
Ku miaba ya kusombela ya ntambue, ku mikuna ya nkashama.
9 Wewe udi mukuate muoyo wanyi,+ muanetu wa bakaji, mubangila wanyi,
Udi mukuate muoyo wanyi ne mêsu audi muntangile,
Ne katupa kamue ka shene wa mu nshingu muebe.
10 Ke mudi mishindu yebe ya dileja dinanga milenga nunku,+ muanetu wa bakaji, mubangila wanyi!+
Mishindu yebe ya kuleja dinanga mmimpe kupita mvinyo,
Ne dipembu dia manananshi ebe ndipite bilengejilu bionso bia mupuya muimpe!+
11 Mubangila wanyi, mishiku yebe idi imatshisha buitshi bua mu dipula.*+
Buitshi ne mabele bidi muinshi mua ludimi luebe,+
Ne dipembu dia bilamba biebe didi bu dipembu dia Lebanona.
12 Muanetu wa bakaji, mubangila wanyi, udi bu budimi budibu bakange,
Budimi budibu bakange, mushimi wa mâyi udibu bakange bikole.
13 Ntonga yebe idi* mparadizu wa* mitshi ya grenade
Idi ne bimuma bitambe buimpe, ne mitshi ya yina pamue ne bisonsa bia nare,
14 Tshisonsa tshia nare+ ne tshilongo tshia safran, disele dia mupuya muimpe*+ ne kinamona,+
Ne mitshi ya mishindu yonso ya budimbu bua mupuya muimpe, mire, ne alowe,+
Pamue ne manananshi onso matambe buimpe.+
15 Wewe udi mushimi wa mâyi wa mu budimi, tshina tshia mâyi mimpe,
Ne tusulu tudi tupueka tufumina ku Lebanona.+
16 Juka, wewe lupepele lua ku nord;
Buela, wewe lupepele lua ku sud.
Pepa* pa budimi buanyi.
Dipembu diabu dimpe ditangalake.”
“Munanga wanyi alue mu budimi buende,
Adie bimuma bitambe buimpe bia mu budimi.”
5 “Ndi mubuele mu budimi buanyi,+
Wewe muanetu wa bakaji, mubangila wanyi.
Ndi musangishe mire wanyi ne bilengejilu bianyi bia mupuya muimpe.+
“Diayi, balunda banyi bananga!
Nuayi, nukuatshike mishindu ya kuleja dinanga!”+
2 “Ndi mulale, kadi muoyo wanyi mmutabale.+
Adi ndîyi dia munanga wanyi ukokola!
‘Ngunzuluila, wewe muanetu wa bakaji, munanga wanyi,
Nkutshi wanyi, wanyi udi kayi ne kalema!
Bualu mutu wanyi mmutalale ne lumuma,
Bipia bia nsuki yanyi mbitalale ne mutalela wa butuku.’+
3 Ndi muvule nkanzu wanyi.
Ndi ne bua kumuvuala kabidi anyi?
Ndi muowe mâyi ku makasa anyi.
Ndi ne bua kuafiikisha kabidi anyi?
4 Munanga wanyi wakumbusha tshianza tshiende mu disoso dia tshiibi,
Ne majinga anyi bua bualu buende akajuka.
5 Ngakajuka bua kunzuluila munanga wanyi;
Bianza bianyi biakamatshisha mire,
Ne minu yanyi yakamatshisha mire wa mâyi mâyi,
Pa bikuatshidi bia tshikangilu tshia tshiibi.
6 Ngakunzuluila munanga wanyi,
Kadi munanga wanyi ukavua mumbuke, ukavua muye.
Ngakadiumvua mushikile* pavuaye muye.*
Ngakamukeba, kadi tshiakamupeta to.+
Ngakamubikila, kadi kakangandamuna to.
7 Bansentedi bavua banyunguluka mu tshimenga bakampeta.
Bakantuta, bakantapa mputa.
Bansentedi ba pa bimanu bakannyenga tshitambala tshianyi.*
8 Ndi nnutshipisha, nuenu bana ba bakaji ba mu Yelushalema ne:
Nuenu bapete munanga wanyi,
Numuambile ne: dinanga didi dinsamisha.”
9 “Nku tshinyi kudi munanga webe muimpe kupita munanga kayi mukuabu yonso,
Wewe mukaji mutambe bakuabu bulengele?
Nku tshinyi kudi munanga webe muimpe kupita munanga kayi mukuabu yonso
Bua wewe kututshipisha mutshipu wa nunku?”
10 “Munanga wanyi mmuimpe bikole ne mmukunzubile;
Kena tshipangidi munkatshi mua bantu binunu 10.
11 Mutu wende ngua or, or mutambe buimpe.
Bipia bia nsuki yende bidi bu malala a dibue adi apepa,*
Mifiike anu bu nyunyi wa tshikololo.
12 Mêsu ende adi bu nyunyi ya nkutshi ku tusulu tua mâyi,
Yowa mu mabele,
Misombe ku dijiba diuwule tente.*
13 Matama ende adi bu bulalu bua bilengejilu bia mupuya muimpe,+
Mabula a bisonsa bia dipembu dimpe.
Mishiku yende mbilongo bia kapapankole, imatshisha mire wa mâyi mâyi.+
14 Bianza biende bidi mbungulu ya or, milengeja ne mabue a krizolite.
Difu diende didi mubanga munona mulamika mabue a safire.
15 Mikolo yende idi makunji a mabue a marbre mateka pa bitaku bia or mutambe buimpe.
Tshimuenekelu tshiende tshidi bu Lebanona, katshiyi ne tshidi natshi mumue bu mitshi ya sedre.+
Ke dinanga dianyi au, ke munanga wanyi au, nuenu bana ba bakaji ba mu Yelushalema.”
6 “Munanga webe mmuye penyi,
Wewe mukaji udi mutambe bakuabu bulengele?
Nnjila kayi uvua munanga webe muyile?
Tumukebe nebe.”
2 “Munanga wanyi mmupueke ku budimi buende,
Ku bibundu bia bikunyibua bia mupuya muimpe,
Bua kulama mikoko munkatshi mua madimi
Ne bua kutula bilongo bia kapapankole.+
3 Meme ndi wa munanga wanyi,
Ne munanga wanyi nguanyi meme.+
Udi udishila mikoko munkatshi mua bilongo bia kapapankole.”+
4 “Munanga wanyi,+ wewe udi muimpe kumona anu bu Tîsa,*+
Mulengele anu bu Yelushalema,+
Ukemesha anu bu biluilu bidi binyunguluke mabendele abi.+
5 Umbusha mêsu ebe+ kundi,
Bualu adi amfuisha.
Nsuki yebe idi bu tshisumbu tshia mbuji
Idi ipueka pa mpulumuku ya Gilada.+
6 Mênu ebe adi bu tshisumbu tshia mikoko
Idibu bafume ku diowesha mâyi,
Buonso buayi idi ilela bana ba mapasa,
Ne kakuena nansha umue udi mujimije muana.
7 Bu mudi tshipese tshia tshimuma tshia grenade*
Ke mudi matama ebe* mu tshilamba tshiudi mudibuikile ku mutu.
9 Kadi anu umuepele ke nkutshi wanyi,+ wanyi udi kayi kalema.
Muana umuepele wa mamuende.
Yeye mmunangibue bikole* kudi wakamulela.
Bana ba bakaji badi bamumona, badi bamujingila diakalenga;
Bakalenge bakaji ne bakaji babanjija badi bamumona, badi bamutumbisha.
10 ‘Nnganyi au udi utua nsese* bu lunkelu,
Mulenga kumona anu bu ngondo wa tshitongatonga,
Mukezuke anu bu butoke bua dîba,
Ukemesha anu bu biluilu bidi binyunguluke mabendele abi?’”+
11 “Ngakapueka ku budimi bua mitshi ya nuaye+
Bua kumona idi mitoloke mu tshibandabanda,*
Bua kumona bikala muonji wa tumuma tua mvinyo musampile,*
Bikala mitshi ya bimuma bia grenade* miele bilongo.
12 Kumpala kua meme kumanya bualu ebu,
Dijinga* dianyi diakanteka
Ku matempu a bantu banyi ba kunemekibua.”*
13 “Pingana, pingana, wewe muena Shulama!
Pingana, pingana,
Bua tukutangilaku!”
“Bua tshinyi nudi nulengamena muena Shulama?”+
“Yeye udi bu maja a bisumbu bibidi!”*
7 “Ke mudi makasa ebe malengele mu sandala yebe nunku,
Wewe muana wa bakaji wa kunemekibua!
Bibenda bia bibelu biebe bidi bu bilengejilu,
Mudimu wa bianza bia mufumbi wa bintu.
2 Mûfu webe udi dilongo dia tshijengu.
Kadipangidi mvinyo musambakaja nansha.
Difu diebe didi mushiki wa blé,
Munyunguluka kudi bilongo bia kapapankole.
3 Mabele ebe abidi adi bu bana babidi ba ngulungu,
Bana ba mapasa ba kabuluku.+
4 Nshingu webe+ udi bu tshibumba tshia mibanga.+
Diulu diebe didi bu tshibumba tshia Lebanona
Tshidi tshitangile ku Damaseke.
5 Mutu webe udi ukupesha butumbi bu mukuna wa Kâmele,+
Ne bipia bia nsuki yebe*+ bidi bu miosa mikunzubile ya mikoko.+
Mukalenge mmukokibue* kudi nsuki mile idi milembelele.
6 Ke muudi muimpe kumona nunku! Ke muudi usankisha nunku,
Wewe nsongakaji munangibue, kupita bionso bidi bisankisha!
7 Bule buebe budi bu dibue dia ngaji,
Ne mabele ebe adi bu tushishi tua ngaji ya kankinda.+
8 Ngakamba ne: ‘Nembande ku dibue dia ngaji
Bua kukuata ku tutshi tudi ne tumuma.’
Mabele ebe ikale bu bisumbu bia tumuma tua mvinyo,
Mupuya wa mukana muebe wikale ne dipembu dimpe bu bimuma bia pome,
9 Ne mukana muebe* bu mvinyo mutambe buimpe.”
“Apueke bimpe bimpe bua munanga wanyi
Upueka bitulu bitulu pa mishiku ya badi balale.
10 Meme ndi wa munanga wanyi,+
Ne dijinga diende didi bua bualu buanyi.
12 Tujuke pa dinda dinda tuye ku madimi a tumuma tua mvinyo
Bua kumona bikala muonji wa tumuma tua mvinyo musampile,*
Bikala bilongo bikanguke,+
Bikala mitshi ya grenade miele bilongo.+
Kuoku aku nendejilaku dinanga dindi nadi buebe wewe.+
13 Bimuma bia mandragore+ bidi bituma mupuya wabi;
Ku biibi bietu kudi bimuma bimpe bia mishindu yonso.+
Bimuma bipiabipia ne bia kale,
Munanga wanyi, ndi mukulaminabi.
8 “Bu wewe muikale nansha bu muanetu wa balume
Uvua muamue mabele a mamuanyi!
Nunku bu meme mukusangane pambelu, mvua mua kukutua mishiku,+
Ne muntu nansha umue kavua mua kumpetula to.
Mvua mua kukupesha mvinyo muela bintu bia mupuya muimpe bua wewe kunua,
Mâyi mimpe a bimuma bia grenade.*
3 Tshianza tshiende tshia bakaji tshivua mua kuikala muinshi mua mutu wanyi,
Ne tshianza tshiende tshia balume tshivua mua kungela mu tshitupa.+
4 Ndi nnutshipisha, nuenu bana ba bakaji ba mu Yelushalema, ne:
Kanutetshi kubisha anyi kujula dinanga munda muanyi too ne padidi didijukila.”+
5 “Eu nnganyi udi ubanda ufumina mu tshipela
Mueyemene munanga wende?”
“Ngakakubisha muinshi mua mutshi wa pome.
Muomu amu mamuebe uvua udinyenga bua kukulela.
Muomu amu yeye wakakulela uvua udinyenga bua kulela.
6 Unteke bu tshitampi pa muoyo webe,
Bu tshitampi pa diboko diebe,
Bualu dinanga didi ne bukole bu mudi lufu,+
Ne kulamata anu muntu umue kudi ne tshitunu bu Lukita.*
Ndimi yadi idi kapia kadi kalakuka, ludimi lua kapia ka Yah.*+
Muntu yeye mua kufila bubanji buonso bua mu nzubu muende bua dinanga,
Budi* mua kupetudibua bikole menemene.”
8 “Tudi ne muakunyetu wa bakaji,+
Yeye ki muanji kuasa mabele.
Ntshinyi tshituenza bua muanetu wa bakaji
Dituku didibu bamuela dîyi bua kumusela?”
9 “Yeye muikale tshimanu,
Netuibakile tshibumba tshia arjan pa mutu pende,
Kadi yeye muikale tshiibi,
Netumukange ne dibaya dia mutshi wa sedre.”
10 “Meme ndi tshimanu,
Ne mabele anyi adi bu bibumba.
Nunku ku mêsu kuende ndi mulue
Bu muntu udi mupete ditalala.
11 Solomo uvua ne budimi bua tumuma tua mvinyo+ mu Bâla-hamona.
Wakafila budimi bua tumuma tua mvinyo abu mu bianza bia balami.
Mulami yonso uvua ulua ne arjan tshinunu ya ku mamuma abu.
12 Ndi ne buanyi budimi bua tumuma tua mvinyo budi ku bukokeshi buanyi.
Arjan tshinunu nyebe* wewe Solomo,
Ne 200 nya badi balama mamuma a budimi abu.”
13 “Wewe udi musombele mu madimi,+
Balunda badi bateleja dîyi diebe.
Lekela nditeleje.”+
14 “Kolesha, munanga wanyi,
Ne ikala ne lubilu bu kabuluku+
Anyi bu muana wa ntole
Pa mikuna ya bintu bia mupuya muimpe.”
Anyi “Musambu mutambe buimpe.”
Ku mua.: “Unkoke.”
Anyi “Tuakule bua.”
Mmumue ne: bansongakaji.
Anyi “udi anyima wanyi munange.”
Anyi “tshilamba tshia madilu.”
Anyi “dianyi dia.”
Anyi pamuapa: “munkatshi mua bipia bia nsuki.”
Anyi “bikanu.”
Ku mua.: “Tshisonsa tshianyi tshia nare.”
Anyi “mulengele.”
Anyi “nzubu wetu muimpe.”
Anyi “katungulu ka tshisuku; kasona ka mpata.”
Ku mua.: “nzubu wa mvinyo.”
Anyi “muvu wa mvula.”
Anyi “kakutshikutshi.”
Ku mua.: “dituku dipepa.”
Anyi pamuapa: “mikuna ya mitanta.” Anyi “mikuna ya Betê.”
Anyi “udi anyima wanyi munange.”
Anyi “udi anyima wanyi munange.”
Anyi “udi anyima wanyi munange.”
Anyi “udi anyima wanyi munange.”
Nkuasa mubuikila uvuabu bambuila bantu bende lumu.
Anyi “tshifulu tshia bilongo bilukakaja.”
Anyi “mutshi wa kamvinyo; mutshi wa matala a batoke.”
Anyi “mpuipu yebe.”
Ku mua.: “dituku dipepa.”
Anyi “Anti-Lebanona.”
Anyi “dikatshi.”
Anyi pamuapa: “Dikoba diebe didi.”
Anyi “budimi bua.”
Dilenge dia mupuya muimpe.
Anyi “Tuta bimpe bimpe.”
Anyi “dikatshi.”
Anyi “Anyima wanyi wakapatuka.”
Anyi pamuapa: “Anyima wanyi wakanshiya pavuaye muakule.”
Anyi “tshilamba tshianyi tshia kubuikila ku mutu.”
Anyi pamuapa: “bu tushishi tua ngaji ya kankinda.”
Anyi pamuapa: “ku mielelu ya tshina tshia mâyi.”
Ku mua.: “Tshilakalaka.”
Anyi “Tshimenga tshidi tshisankisha.”
Anyi “mutshi wa kamvinyo; mutshi wa matala a batoke.”
Anyi “mpuipu yebe.”
Ku mua.: “mmukezuke.”
Ku mua.: “utangila panshi.”
Anyi “kasulu ka tshilonda nkoka.”
Anyi “mupatule ntonga.”
Anyi “mitshi ya tumvinyo; mitshi ya matala a batoke.”
Anyi “Anyima.”
Anyi “bena budisuile.”
Anyi “maja a Mahanaima.”
Ku mua.: “ku mutu webe.”
Anyi “mmusuikibue.”
Ku mua.: “tshilakalaka tshiebe.”
Anyi “mupatule ntonga.”
Anyi “mutshi wa kamvinyo; mutshi wa matala a batoke.”
Anyi “Sheole,” mmumue ne: lukita lua bukua bantu buonso. Tang. Diumv.
“Yah” ntshikepeshilu tshia dîna dia Yehowa.
Anyi pamuapa: “Udi.”
Ku mua.: “Tshinunu ntshiebe.”