NAHUMA
1 Dîyi diamba bua bualu bua Niniwe didi ne:+ Mukanda wa tshikena kumona tshia Nahuma* muena Elekosha:
2 Yehowa udi Nzambi udi ulomba bua bamulamate anu yeye+ ne udi udisombuela;
Yehowa udi udisombuela ne mmudiakaje bua kuleja tshiji tshiende tshikole.+
Yehowa udi udisombuela kudi baluishi bende,
Ne udi ulama tshiji tshiende tshikole bua bena lukuna bende.
3 Yehowa kena ukuata tshiji lubilu,+ ne udi ne bukole bua bungi,+
Kadi Yehowa kakukanda dinyoka didi dikumbanyine nansha kakese.+
Njila wende udi mu tshipepele ne mvunde bidi bibutula,
Ne matutu adi lupuishi lua makasa ende.+
Bashana ne Kâmele bidi bifubidila,+
Ne bilongo bia mu Lebanona bidi bifubidila.
5 Mikuna minene idi ikanka bua bualu buende,
Ne mikuna mikese idi yenguluka.+
Buloba nebudiele muulu bua bualu bua mpala wende,
Pamue ne ditunga ne bonso badi basombelamu.+
6 Nnganyi udi mua kuimana kumpala kua tshiji tshiende?+
Ne nnganyi udi mua kukandamena bukole bua tshiji tshiende?+
Tshiji tshiende tshikole netshipongolodibue bu kapia,
Ne mabue neatayike bua bualu buende.
7 Yehowa mmuimpe,+ mmuaba wa kusokomena dituku dia dikenga.+
Yeye mmumanye* bantu badi banyemena kudiye.+
8 Neabutule muaba wende* butubutu ne mâyi adi apasalala,
Ne mîdima neyilondakaje bena lukuna bende.
9 Ntshifufu kayi tshinuelela Yehowa?
Yeye udi ubutula butubutu.
Dikenga kadiakujuka musangu muibidi to.+
10 Bualu mbapindakane bu mêba,
Ne badi bu bantu badi bakuatshike maluvu;*
Kadi neboshike bu nsona miume.
11 Muntu udi welela Yehowa tshifufu tshibi neafumine kuudi,
Ufila mibelu idi kayiyi ne mushinga.
12 Mona tshidi Yehowa wamba:
“Nansha muvuabu ne bukole buabu buonso ne bikale ba bungi,
Nansha nanku, nebatapibue ne nebajimine.*
Ndi mukukengeshe,* kadi tshiakukukengesha kabidi to.
13 Mpindieu nentshibule tshikokedi tshiende tshidi kuudi,+
Ne nenkose mu bitupa bibidi bintu bidibu bakusuike nabi.
14 Yehowa mmutume dîyi bua bualu buebe* ne:
‘Kabakutungunuja kabidi dîna diebe to.
Nenjimije mpingu misonga ne mpingu ya tshiamu* mu nzubu* wa nzambi yebe.
Nenkuenzele lukita, bualu udi wa kupetula.’
15 Mona! Makasa a muntu udi ulua ne lumu luimpe adi pa mikuna,
Muntu udi umanyisha ditalala.+
Wewe Yuda, sekelela bibilu biebe,+ futa mitshipu yebe,
Bualu muntu tshianana kakupitshila kabidi munkatshi muebe nansha.
Yeye neabutudibue butubutu.”
2 Yeye udi utangalaja mmubande bua kukuluisha wewe.*+
Lama miaba mikolesha.
Tungunuka ne kulama njila.
Suikayi mikaba* ne pungayi makanda enu onso.
2 Bualu Yehowa neapingaje lutambishi lua Yakoba,
Pamue ne lutambishi lua Isalele,
Bualu babutudi mbababutule;+
Ne mbanyangakaje ntonga yabu.
3 Ngabu ya bilobo biende mmilaba dikala dikunze,
Bena mvita bende mbavuale bilamba bikunze kunzuu.
Biamu bia ku matempu ende a mvita bidi bibalakana bu kapia
Dituku didiye udilongolola bua mvita,
Ne mafuma a mutshi wa jenevriye mmela muulu.
4 Matempu a mvita adi anyema lubilu lua mvunde mu misesu.
Adi abanda apueka mu miaba ya tshinsangansanga.
Adi akenka bu bimunyi bia kapia ne atua nsese bu mupenyi.
5 Yeye neabikidishe banene bende ba basalayi.
Nebatetuke padibu benda baya kumpala.
Badi badiela ku tshimanu tshiende;
Badi bajika bintu mu njila.
6 Nebunzulule biibi bia misulu,
Ne dibalasa nedienguluke.*
7 Mbambe* ne: Yeye mmuedibue patoke,
Mbaye nende, ne bapika bende bakaji badi badila;
Badi bumvuika bu nyunyi ya nkutshi padibu badituta pa biadi biabu.*
8 Mu matuku ende, Niniwe+ uvua bu dijiba dia mâyi,
Kadi mpindieu badi banyema.
“Imanayi! Imanayi!”
Kadi muntu nansha umue kena ukudimuka panyima.+
9 Pawulayi arjan, pawulayi or!
Kakuena ndekelu ku biuma.
Mbibutshila pamue ne bintu bia mushinga mukole bia mishindu yonso.
10 Tshimenga tshidi munda mutupu, kamuena tshintu, ntshibutula!+
Mioyo yabu idi yenguluka ne buôwa, binu biabu bidi bikoyoboka, bimono biabu bidi bizakala;
Mpala yabu yonso mmikunze.
11 Muaba wa kusombela wa ntambue,+ udi bana ba ntambue* badiila,
Udi ntambue upatuka wenda ulombola kana kende
Kakuyi muntu wa kuyitshinyisha, udi penyi?
12 Ntambue wakasunsuluila tuana tuende tshintu tshia kudia tshikumbane
Ne wakafiekela nyama bua ntambue yende mikaji.
Wakashiya mena ende muwule tente ne bintu bia kudia,
Miaba yende ya kusombela ne nyama misunsula.
13 “Mona! Ndi nebe tshilumbu,” ke mudi Yehowa wa biluilu wamba,+
“Nengoshe matempu ende a mvita mu muishi,+
Ne muele wa mvita newudie bana ba ntambue* bebe.
Nengumbushe tshintu tshiebe tshia kudia pa buloba,
Ne tshiona tshia batuadi bebe ba mukenji katshiakumvuika kabidi nansha.”+
3 Diakabi dikale kudi tshimenga tshidi tshiela mashi panshi!
Yeye mmuwule tente menemene ne dishima ne buivi.
Katu upangila tshintu tshia kudia nansha!
2 Kudi muadi wa mfimbu ne mutoyi wa nkata,
Kabalu kadi kadiela lubilu ne ditempu didi ditondoka.
3 Mubandi wa pa kabalu, muele wa mvita udi utua nsese, ne difuma didi dibalakana,
Bantu bashipa bungi tshianana ne mishiki ya bitalu,
Kakuena ndekelu wa bitalu.
Badi batungunuka ne kutondoka ku bitalu.
4 Bidi bienzeka nunku bua bungi bua bienzedi bia bundumba bia mukaji wa ndumba,
Yeye udi muimpe kumona ne mulengele, mamu wa malu a mupongo,
Udi uteya bisamba ku bundumba buende ne mêku ku malu ende a mupongo.
5 “Mona! Ndi nebe* tshilumbu,” ke mudi Yehowa wa biluilu wamba,+
“Nengambulule muntumpu webe kukubuikila ku mêsu;
Nendeje bisamba butaka buebe,
Ne makalenge bundu buebe.
7 Muntu yonso udi ukumona neakunyeme,+ wamba ne:
‘Niniwe mmubutudibue!
Nnganyi waditeka pa muaba wende?’
Nenkupetele bakusambi penyi?
8 Wewe udi mupite No-amona*+ udi musombe kumpenga kua minkoloji ya musulu wa Nile anyi?+
Mâyi avua mamunyunguluke;
Bubanji buende buvua mbuu ne tshimanu tshiende tshivua mbuu.
9 Etshiopi ke uvua mpokolo wende wa bukole budi kabuyi ne mikalu, ne Ejipitu kabidi.
Puta+ ne bena Libi ke bavua bambuluishi bebe.+
10 Kadi nansha nanku yeye wakakuatshibua ku babende;+
Yeye wakabuela mu bupika.
Bana bende pabu bakatayishibua mu disangu dionso dia njila.*
Bakelela bantu bende ba bunême nshobo,
Ne bantu bende banene bonso bavua basuikibue nkanu.
11 Wewe kabidi neukuatshike;+
Neuye kusokoma.
Neukebe muaba wa kunyemena muena lukuna.
12 Miaba yebe mikolesha yonso idi bu mitshi ya mfigi idi ne tumuma tudi tubobe kumpala;
Padibu batunyukula, tudi tumatshila mukana mua batudi.
13 Mona! Basalayi bebe badi bu bantu bakaji munkatshi muebe.
Biibi bia ditunga diebe nebikale biunzuluila bena lukuna bebe bikole.
Kapia nekoshe milonda ya biibi biebe.
14 Suna mâyi bua ditshintshimika!+
Kolesha miaba yebe mikolesha.
Buela mu bitotshi ne diata diima;
Kuata mushete wa madioto.
15 Nansha kuoku aku kapia nekakoshe.
Muele wa mvita newukutape.+
Newukudie bu mutu bana ba mpasu badia.+
Divudija anu bu bana ba mpasu!
Eyowa, divudija anu bu mpasu!
16 Udi muvudije bangenda mushinga bebe kupita mitoto ya mu diulu.
Muana wa mpasu udi udiuvulula ne udi ubuuka.
17 Balami bebe badi bu mpasu,
Ne banene bebe ba basalayi badi bu tshisumbu tshia mpasu.
Idi itudila mu bikumbi bia mabue dituku dia mashika,
Kadi padi munya utema, idi ibuuka;
Ne kakuena muntu udi mumanye kudiyi.
18 Balami bebe badi babungila ne tulu, wewe mukalenge wa Ashû;
Bantu bebe banene badi bashala mu miaba yabu ya kusombela.
Bantu bebe mbatangalaja pa mikuna,
Ne muntu nansha umue kena ubasangisha kaba kamue.+
19 Kakuena disulakana bua dikenga diebe to.
Mputa webe kena mua kuondopibua nansha.
Bonso badi bumvua lumu lua bualu buebe nebatute bianza biabu;+
Bualu nnganyi udi kayi mukenge bua tshikisu tshiebe tshidi katshiyi tshijika?”+
Diumvuija: “Musambi.”
Anyi “udi utabalela.”
Mmumue ne: wa Niniwe.
Anyi “maluvu ebe a ntete ya blé.”
Anyi pamuapa: “ne yeye neapite.”
Mmumue ne: Yuda.
Mmumue ne: Ashû.
Anyi “mpingu ya tshiamu tshiengulula.”
Anyi “ntempelo.”
Mmumue ne: Niniwe.
Ku mua.: “Koleshayi bimono.”
Anyi “nediupuke.”
Anyi “Mbakose.”
Ku mua.: “mioyo yabu.”
Anyi “bana ba ntambue ba musalala.”
Anyi “bana ba ntambue ba musalala.”
Mmumue ne: Niniwe.
Mmumue ne: Tebese.
Ku mua.: “ku mutu kua misesu yonso.”