Ikalayi ne muoyo wa kashidi ne disanka pa buloba!

Kakanda aka kavua kafundibue bua kunuambuluisha bua kumanya udi mufuke buloba ne bionso bidipu. Nenumanye bua se: Nzambi, uvua mufuke buloba, udi ne dina, nenumanye kabidi tshivuaye mufukile muntu ne mushindu unudi mua kuikala ne muoyo wa kashidi ne disanka pa buloba.

Tudi batekemene bua se bindidimbi bivule bidimu nebinuambuluishe bua kumanya malu aa bimpe. Bua nuenu kumvua bimpe, bidi bimpe bua kubala mvese idi mitangilangane ne bindidimbi. Nanku nenufike ku dimanya imue ya ku milayi milenga ya Nzambi idi mu Bible ne nenumanye tshidi Nzambi unuambila bua kupeta masanka adi afuma ku dikumbana dia milayi eyi.

Imue misangu nudi mua kufika ku dienza mudimu ne kakanda aka bua kuambuluisha bantu bakuabo. Kadi mua kunuambuluisha kabidi bua kufikisha bana benu ku dimanya Nzambi. Binuikala mu musoko mudi bantu bakole ba bungi kabayi bamanye mua kubala, nudi mua kuenza mudimu ne bindidimbi bua kubumvuija majinga a Nzambi, bua kumonabo mua kuambuluisha banga bantu.

Tudi batekemene ne muoyo mujima bua se dilonga dia kakanda aka nedinuleje mushindu unudi mua kupeta mabenesha a bungi, ne mushindu unudi mua kuambuluisha bakuabo bantu bua kumanyabo tshidibo mua kuenza bua kuikalabo ne muoyo wa kashidi pa buloba.