Tshizubu tshia pa nyima

DÎKU nndongoluelu wa bantu wa kale kupita yonso, kadi lelu’eu didi mu lutatu. Dimuangalaka dikuate buôwa dia dinua ne didiela bintu bia lulengu mu mubidi kudi bansonga, tshiendenda, tshipupu tshia lelu tshia dishipa dia mabaka ne tshinyangu tshia mu dîku, divulangana bikole dia bungi bua mêku a muledi umue, ne ntatu mikuabu mikole bidi bifikisha bamue ku didiebeja bikala dîku mua kupanduka.

Kutshidiku mushindu wa dîku kuikaladi dishindame, difila bukubi ne dikankamija kudi benamu anyi? Eyowa, bikala bena mu dîku bamanye nsapi mulelela wa disanka mu dîku. Nsapi eu ki mmusokoka. Mbamutete ne mbatumike nende bimpe munkatshi mua siekele ya bungi. Nnsapi kayi au? Mukanda eu wa Nsapi wa disanka mu dîku udi ufila diandamuna. Udi kabidi ufila bilejilu bia dikuatshisha bia mudi “nsapi” eu mua kuambuluisha bua kujikija nsombelu mivule ya ntatu mikole idi ikuata dîku. Lelu’eu kudi muntu udi kayi ukengela mamanyisha a mushindu’eu anyi?