Mukanda wa Nzambi ntshiuma

1. Kudi mukanda udi upa bantu

ditalala ne ditekemena.

Mêyi adimu adi ne bukole,

meji ne muoyo adi afila.

Mukanda eu se m’Bible Munsantu;

Yehowa nguvua muwufundishe

kudi bantu bavua bamunange be,

ne benzeja kudi nyuma muimpe.

2. Bakafunda bua bufuki bua Nzambi,

bua muakenzaye bionso bidiku,

muvua muntu kumpala kayi bubi,

ne muakajimina Mparadizu.

Kuakulabu bua muanjelu mukuabu

wakabenga bumfumu bua Nzambi.

Ke kulelabi bubi ne makenga

biajikijabu’anu kudi Nzambi.

3. Tudi lelu ne disanka divule

bua mukadi Kristo ukokesha.

Mpindieu Yehowa neapandishe

bonso badiadia nende bulunda.

Mu Bible mmudi ngumu mimpe eyi;

ntshiakudia tshimpe tshia tuetu kudia.

Udi utupa ditalala dingi;

udi tshiuma tshia tuetu kubala.