Ulame mutshima webe

1. Ulame mutshima webe,

wepuke mpekatu.

Nzambi mmutangile bionso

bidi munda muetu.

Bumue muoyo newujinge

bua kupambukawu.

Uwuludike ne meji

kudi Nzambi wetu.

2. Longolola muoyo webe,

lomba Nzambi webe.

Mutumbisha mu milombu,

wambe ntatu yebe.

Tumikila malu adi

Nzambi utuyisha.

Mulamata ne muoy’umue

bua kumusankisha.

3. Ukube mutshima webe

ne udilongele.

Witabe Dîyi dia Nzambi

dikushintulule.

Yehowa mmunange bena

lulamatu bende.

Nank’umusadile bimpe

bu mulunda wende.