Malu atudi ne bua kusankila

1. Malu’a kusankila mmavule

bu mutu biuma bivula.

Bintu binangibue bia panu,

kutudi nya bienda bilua.

Tudi ne malu’a kusankila,

adi mu Dîyi dia Nzambi;

Nya dituyisha dîba dionso,

dituitabujija Nzambi.

Bia kusankila mbikumbane,

bilunda mu mioyo yetu.

Nansha mutudi ne makenga,

tulamate Nzambi wetu.

2. Tusanke bua biakafukaye:

diulu, mâyi, ne buloba.

Tumone bifukibua ebi,

tuimbile wakabifumba.

Tudi tuyisha bualu ebu

bua Bukalenge bua Nzambi

Ne bua mabenesh’a kudibu;

tubilongeshe mu buambi.

Masank’a kashidi ngaw’alua

bu mutu bunkenke bulua.

Diulu, buloba bipiabipia

biatusankisha bilualua.