Tudi ne bua kuenza tshinyi bua kusankisha Nzambi?

Kuikadi wenza malu mabi to. 1 Kolinto 6:9, 10

Tuetu banange Yehowa, katuakuenza malu adiye kayi musue to.

Yehowa mmubenge bua tuetu kuiba, kukuatshika maluvu anyi kunua bintu bibi bu mudi diamba.

Nzambi mmukine dishipangana, ditula mafu ne diangatangana dia mulume ne mulume anyi mukaji ne mukaji; ki mmusue bua tuetu kuikala ne lukuka anyi kuluangana mvita to.

Katuena ne bua kutendelela mpingu anyi kuenza malu a mîdima to.

Palua buloba Mparadizu, bantu badi benza malu mabi kabakuikalapu to.

Ikala wenza malu mimpe. Matayo 7:12

Bua tuetu kusankisha Nzambi, tudi ne bua kuditatshisha bua kumuidikija.

Ikala wenzela bakuabu malu mimpe ne ubambuluisha bua kuleja ne: udi mubanange.

Ikala wamba anu bulelela.

Ikala umvuila bakuabu luse, ubabuikidila bilema biabu.

Ambila bantu bakuabu malu a Yehowa ne ngikadilu yende.​—Yeshaya 43:10.