Newenze disua dia Yehowa anyi?

Tuasakidila bua muudi mubale mukanda eu bua kumanya Bantemu ba Yehowa bimpe, kumanya midimu yabu ne kumanya mudi bulongolodi buabu buenda. Tudi tuela meji ne: mukanda eu mmukuambuluishe bua kujingulula ne: tuetu ke badi benza disua dia Yehowa lelu. Tudi tukulomba bua utungunuke ne kulonga malu a Nzambi; wambile balela bebe ne balunda bebe malu audi ulonga, ne wikale ulua mu bisangilu bietu bia bena Kristo.​—Ebelu 10:23-25.

Neumone ne: paudi wenda ulonga malu a Yehowa, newende umona mudiye mukunange bikole. Nebikusake bua kuenza muebe muonso bua kumuleja muudi mumunange pebe. (1 Yone 4:8-10, 19) Kadi udi mua kuenza tshinyi bua kuleja Nzambi dituku dionso ne: udi mumunange? Kulonda mikenji yende kudi mua kukuambuluisha ku tshinyi? Tshidi mua kukuambuluisha bua muoyo webe kukusakawu bua kuenza disua dia Nzambi pamue netu ntshinyi? Muntu udi ukulongesha Dîyi dia Nzambi neakuambuluishe bua kupeta mandamuna, bua ne: wewe ne bena mu dîku diebe anyi dienu ‘nudilame mu dinanga dia Nzambi panudi bindile muoyo wa tshiendelele.’​—Yuda 21.

Bua wewe kutungunuka ne kuenda mu njila wa bulelela, tudi tukulomba ne muoyo mujima bua ulonge kabidi mukanda mukuabu eu “Nudilame mu dinanga dia Nzambi.”