Mêyi a ndekelu

Utshidiku ututshila muoyo ku bikondo bimpe bia kale biuvua mupitshishe ne bantu ba Yehowa, bu mudi bisangilu bia tshisumbu bivua bikukoleshe, mpungilu kampanda uvua mukusankishe, bualu kampanda buimpe buuvua mupete mu buambi, nansha anu muyiki mulenga ne bena Kristo nebe anyi? Kuena mupue Yehowa muoyo to, ne yeye pende ki mmukupue muoyo. Utshidi uvuluka mudimu webe wa lulamatu ne dianyisha dionso. Kabidi mmusue kukuambuluisha bua upingane kudiye.

Yehowa udi wamba ne: ‘Meme nkayanyi nendonde mikoko yanyi, [nenyilame, NWT]. Bu mudi mulami wa mikoko ukeba tshisumbu tshia mikoko yende mu dituku didiyi mitangadijibue, nunku nenkebe mikoko yanyi; nenyisungile ku miaba kudiyi mitangadijibue.’—Yehezekele 34:11, 12.