TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • lfb dilongesha 29 dib. 74-dib. 75 tshik. 2
  • Yehowa udi usungula Yoshua

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Yehowa udi usungula Yoshua
  • Malongesha audi mua kupeta mu Bible
  • Bintu bia muomumue
  • Malu akavuluka Yoshua
    Tshibumba tshia Nsentedi tshidi tshimanyisha Bukalenge bua Yehowa—2002
  • Malu manene a mu mukanda wa Yoshua
    Tshibumba tshia Nsentedi tshidi tshimanyisha Bukalenge bua Yehowa—2004
  • Dîyi dia Yehowa kaditu dipangila
    Tshibumba tshia Nsentedi tshidi tshimanyisha Bukalenge bua Yehowa—2007
  • Batentekedi dikumi ne babidi
    Malongesha audi mua kupeta mu Bible
Malongesha audi mua kupeta mu Bible
lfb dilongesha 29 dib. 74-dib. 75 tshik. 2
Bakuidi bambule mushete wa tshipungidi bapitshila mu musulu wa Yadene

DILONGESHA DIA 29

Yehowa udi usungula Yoshua

Yoshua ubala Mikenji

Mose mumane kulombola tshisamba tshia Isalele munkatshi mua bidimu bia bungi, matuku ende a muoyo akasemena ku ndekelu. Yehowa wakamuambila ne: ‘Wewe kuakubueja bena Isalele mu Buloba Bulaya to. Kadi nenkuleje buloba abu.’ Ke Mose kulomba Yehowa bua kusungula mulombodi mupiamupia uvua mua kulama bantu bende. Yehowa wakamuambila ne: ‘Ndaku kudi Yoshua, umuambile ne: yeye ke wikala mulombodi.’

Mose wakambila bena Isalele ne: ukavua pa kufua, ne Yehowa uvua musungule Yoshua bua kubabueja mu Buloba Bulaya. Ke Mose kuambilaye Yoshua ne: ‘Kutshinyi to. Yehowa neakuambuluishe.’ Matuku makese pashishe, Mose wakaya ku lusongo lua Mukuna wa Nebo, kuvua Yehowa mumulejile buloba buvuaye mulaye Abalahama, Izaka ne Yakoba. Mose uvua ne bidimu 120 pakafuaye.

Mose uteka Yoshua mulombodi wa Isalele kumpala kua muakuidi ne bantu bakuabu

Yehowa wakambila Yoshua ne: ‘Sabuka musulu wa Yadene, ubuele mu Kanâna. Nenkuambuluishe anu mumvua muambuluishe Mose. Enza bua wikale ubala Mikenji yanyi dituku dionso. Kutshinyi to. Ikala ne dikima. Ndaku ne wenze tshindi mukuambile bua kuenza.’

Yoshua wakatuma batentekedi babidi mu tshimenga tshia Yeliko. Mu muyuki walonda, netulonge malu a bungi avua menzeke muntu amu. Pakapinganabu, bakamba ne: tshivua tshikondo tshimpe tshia kubuela mu Kanâna. Dituku diakalonda, Yoshua wakambila bena Isalele bua kuvunga mabuki abu. Pashishe wakatuma bakuidi bavua bambule mushete wa tshipungidi bua badianjile ku musulu wa Yadene. Musulu uvua muwule bikole. Kadi pakatua bakuidi makasa mu mâyi, musulu wakimana ne mâyi akuma! Bakuidi bakasemena lua munkatshi, muaba uvua musulu upuekela, bobu kuimana muaba au pavua eku tshisamba tshijima tshia Isalele tshisabuka dia muamua. Udiku wela meji ne: tshishima etshi tshivua tshibavuluije tshivua Yehowa muenze ku Mbuu Mukunze anyi?

Ndekelu wa bionso, pakapita bidimu bionso abi, bena Isalele bakabuela mu Buloba Bulaya. Bavua mua kuibaka nzubu ne bimenga. Bavua mua kudima madimi, kukuna mionji ya tumuma tua mvinyo ne mitshi ya bimuma. Buvua buloba bua mabele ne buitshi.

“Yehowa neakulombole misangu yonso ne neakukutshishe nansha mu buloba bume.”​—Yeshaya 58:11

Nkonko: Nnganyi wakalombola bena Isalele pakafua Mose? Ntshinyi tshiakenzeka ku musulu wa Yadene?

Nomba 27:12-23; Dutelonome 31:1-8; 34:1-12; Yoshua 1:1–3:17

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu