Bua wewe kumvua buimpe bua dilonga dia Bible edi
Anji tangila malu adi mu mabeji a ntuadijilu aa, pashishe utangile FILME.
TSHITUPA TSHIA KUMPALA
Bua kulongolola dilongesha dionso bala tshitupa tshia kumpala. Nkonko mifikisha (A) ne mvese (B) idi ipatula malu manene. Umanye ne: kudi mvese kampanda idibu bafunde ne: “balayi.”
TSHITUPA TSHIA MUNKATSHI
Mêyi a mbangilu (C) adi mu Buela mu buondoke adi umvuija malu adi aalonda. Tumitu tua bualu (D) tudi tuleja malu a kuyukila. Balayi mvese ne mulongeshi webe, nuandamune nkonko, ne nutangile filme.
Tuzubu tua FILME tudi tukufikisha muaba udi bintu bia kutangila anyi bia kuteleja bidi bitokesha kabidi malongesha bimpe menemene. Mu filme mikuabu badi bakula bua malu avua menzeke. Mu minga yoyi kabena balejamu malu avua menzeke to, kadi badi balejamu nsombelu itu ikuata bantu.
Nukonkonone bimfuanyi ne mêyi adi abiumvuija (E), ne nuele meji a mua kuandamuna nkonko idi mu tshitupa tshia Bamue batu bamba ne: (F).
TSHITUPA TSHIA NDEKELU
Dilongesha dionso didi dijika ne Tshia kukuata ne Diambulula (G). Nufunde dituku dinudi nujikija dilongesha dionso. Tshipatshila (H) tshidi tshikuleja bualu buudi wewe mua kudifundila bua kukumbaja. Mu tshitupa tshia Bia kutangila kabidi (I) mudi bintu biudi pamuapa mua kubala anyi filme iudi mua kutangila.
Bidi mu mukanda eu
|
|
|
|
|
Mua kupeta mvese mu Bible
Bible mmuenza ne mikanda mikese 66. Mmukosolola mu bitupa bibidi: Mifundu ya mu tshiena Ebelu ne mu tshiena Alama (“Dipungila Dikulukulu”) ne Mifundu ya mu tshiena Greke (“Dipungila Dipiadipia”).
Mvese idibu baledile mu mukanda eu idi ituadija ne dîna dia mukanda wa mu Bible (A), nshapita (B) ulonda, pashishe mvese (C) ulonda.
Tshilejilu, Yone 17:3 udi umvuija: mukanda wa Yone, nshapita wa 17, mvese 3.