Muoyo
Ntshinyi tshidi tshileja ne: muaku muoyo udi Bible utela utu pa tshibidilu umvuija tshitudi munda, mmumue ne: ngenyi yetu, meji etu, majinga etu, ne ngikadilu yetu?
Mis 49:3; Nsu 16:9; Luk 5:22; Bz 2:26
Bala kabidi Dut 15:7; Mis 19:8
Tshilejilu tshia mu Bible:
Luk 9:46-48—Yezu wakabela bapostolo bende pavuaye mumone ne: bavua ne lungenyi lua didibandisha mu mioyo yabu
Bua tshinyi mbia mushinga bua tuetu kulama muoyo wetu?
Tshilejilu tshia mu Bible:
Gen 6:5-7—Bubi buvua mu muoyo wa muntu buakakebesha tshikisu, kufikishabi Nzambi ku dilokesha mvula wa kabutu pa buloba bujima
1Bk 11:1-10—Mukalenge Solomo kakakuba muoyo wende to, bualu wakasela bakaji ba ku babende bavua basesuishe muoyo wende kudi Yehowa
Mâk 7:18-23—Yezu wakaleja ne: mu muoyo ke mudi mufumina majinga onso mabi adi anyanga muntu ku mêsu kua Nzambi
Tudi mua kukuba muoyo wetu mushindu kayi?
Mis 19:14; Nsu 3:3-6; Luk 21:34; Flp 4:8
Bala kabidi Ezl 7:8-10; Mis 119:11
Tshilejilu tshia mu Bible:
Ef 6:14-18; 1Ts 5:8—Pavua mupostolo Paulo umvuija bia mvita bia mu nyuma wakaleja ne: buakane, ditabuja, ne dinanga bidi mua kukuba muoyo wetu wa mu tshimfuanyi anu mutu tshibuikilu tshia pa tshiadi tshikuba dimuma dia muoyo
Mmunyi mutudi mua kumanya ne: muoyo wetu wa mu tshimfuanyi mmunyanguke?
Bala kabidi Nsu 6:12-14
Tshilejilu tshia mu Bible:
2Ku 25:1, 2, 17-27—Mukalenge Amasaya wakenza malu mimpe ku mêsu kua Nzambi munkatshi mua tshikondo kampanda, kadi ki nne muoyo mujima to; mu kupita kua matuku wakadibandisha, kupangaye lulamatu; nunku wakakenga bua bualu abu
Mat 7:17-20—Yezu wakaleja ne: anu mutu mutshi mubi ukuama bimuma bibi, tuetu ne muoyo mubi netuenze malu mabi
Bua tshinyi mbimpe tuikale ne muoyo muimpe? Mmunyi mutudi mua kuwupeta?
Bala kabidi Mis 119:97, 104; Lom 12:9-16; 1Tm 1:5
Tshilejilu tshia mu Bible:
2Bk 20:1-6—Mukalenge Hezikiya uvua mulamate Yehowa ne mumuenzele mudimu ne muoyo mujima, nunku pakasamaye ukeba kufua wakamusengelela bua amuambuluishe umvue bimpe
Mat 21:28-32—Yezu wakafila tshilejilu tshidi tshileja ne: malu adi mu muoyo wa muntu adi amuenekela ku malu adiye wenza, kadi ki nku malu adiye wamba ne: neenze to
Kumanya ne: Yehowa utu ukonkonona muoyo wetu kudi kutukolesha bua tshinyi?
Bala kabidi 1Sm 2:3
Tshilejilu tshia mu Bible:
1Sm 16:1-13—Muprofete Samuele wakamanya ne: tshimuenekelu tshietu katshiena ne mushinga kudi Yehowa to, bualu yeye udi umona mu muoyo
2Ku 6:28-31—Disambila divua mukalenge Solomo muenze pavuabu babanjija ntempelo wa Yehowa diakaleja ne: Yehowa mmumanye bimpe tshidi mu mioyo ya bantu ne udi ubatabalela