Didipuekesha
Mmunyi mutu Yehowa umona bantu badi badipuekesha ne badi badibandisha?
Mis 138:6; Nsu 15:25; 16:18, 19; 22:4; 1Pt 5:5
Bala kabidi Nsu 29:23; Yes 2:11, 12
Tshilejilu tshia mu Bible:
2Ku 26:3-5, 16-21—Mukalenge Uziya wakadibandisha, kushipaye mikenji ya Nzambi; wakakuata tshiji tshikole pavuabu bamubele, nunku Nzambi wakamutua disama dia nsudi
Luk 18:9-14—Yezu wakafila tshilejilu bua kuleja mutu Yehowa umona masambila a bantu badi badibandisha ne a bantu badi badipuekesha
Ntshinyi tshitu Yehowa wenzela muntu udi udipuekesha unyingalala ne muoyo mujima?
Tshilejilu tshia mu Bible:
2Ku 12:5-7—Mukalenge Lehabama ne bakokeshi ba mu Yuda bakadipuekesha kumpala kua Yehowa, nunku Yehowa kakababutula to
2Ku 32:24-26—Hezikiya uvua mukalenge muimpe wakadibandisha, Yehowa wakamufuila luse pavuaye mudipuekeshe
Kudipuekesha kudi kulengeja malanda etu ne bakuabu mushindu kayi?
Ef 4:1, 2; Flp 2:3; Kls 3:12, 13
Tshilejilu tshia mu Bible:
Gen 33:3, 4—Esau wakakuatshila Yakoba tshiji tshikole, kadi mushindu uvua Yakoba mumuele muoyo wakaleja muvuaye ne didipuekesha, nunku bakasomba kabidi mu ditalala
Bal 8:1-3—Mulumbuluishi Gideona wakambila bantu ba mu Efelayima ne budipuekeshi ne: bavua bamupite, nunku bakatukija, kabakaluangana nende to
Mmunyi muvua Yezu Kristo mulongeshe mushinga udi nawu didipuekesha?
Mat 18:1-5; 23:11, 12; Mâk 10:41-45
Tshilejilu tshia mu Bible:
Yes 53:7; Flp 2:7, 8—Anu mukavua baprofete bambe, Yezu wakadipuekesha, kuitabaye bua kulua pa buloba bua kufua lufu lubi lua bundu
Luk 14:7-11—Yezu wakalonda bualu bua dikeba miaba ya lumu lua bungi mu tshibilu bua kuleja mudi didipuekesha mua kutuambuluisha
Yne 13:3-17—Yezu wakenza mudimu mupuekele wa kuowesha bapostolo bende mâyi ku makasa bua kubalongesha bua bikale ne didipuekesha