Dibaka
Muenji wa dibaka nnganyi?
Muena Kristo udi ne bua kuselangana ne nganyi?
Bua tshinyi muena Kristo mulelela kena mua kuanyishila muanende bua aselangane ne muntu udi kayi mutendeledi wa Yehowa udi mudilambule ne mubatijibue?
Tshilejilu tshia mu Bible:
Gen 24:1-4, 7—Abalahama ukavua mukulakaje wakakebela muanende Izaka mukaji munkatshi mua batendeledi ba Yehowa, kadi ki mmunkatshi mua bena Kanâna bavua batendelela nzambi ya dishima to
Gen 28:1-4—Izaka wakambila muanende Yakoba bua kasedi mukaji muena Kanâna to, kadi asele anu mutendeledi wa Yehowa
Yehowa utu umvua munyi padi mutendeledi wende uselangana ne muntu udi kayi mutendeledi wende?
Tshilejilu tshia mu Bible:
1Bk 11:1-6, 9-11—Yehowa wakakuatshila mukalenge Solomo tshiji bua muvuaye mulengulule didimuija diende, musele bakaji ba ku babende, mubalekele basesuisha muoyo wende
Neh 13:23-27—Nguvena Nehemiya wakidikija Yehowa, kunyokaye bantomboji bavua baselangane ne bantu ba bisamba bikuabu
Bua tshinyi mbimpe kuselangana ne mutendeledi wa Yehowa wa tshitembu udi ne lulamatu?
Bala kabidi Ef 5:28-31, 33
Tshilejilu tshia mu Bible:
1Sm 25:2, 3, 14-17—Nabala uvua mubanji, kadi uvua ne tshikisu ne malu makole; biakamuvuija mulume mubi ku mêsu kua Abigayila
Nsu 21:9—Tuetu basungule muntu wa kuselangana nende udi kayi mutukumbanyine, katuakuikala ne disanka ne ditalala to
Lom 7:2—Mupostolo Paulo wakaleja ne: padi mukaji usedibua udi ulua ku bukokeshi bua bayende udi muntu mupange bupuangane; nunku mukaji wa meji udi wela meji bimpe kumpala kua kuitaba muntu udi ukeba kumusela
Didilongolola bua kubuela mu dibaka
Bua tshinyi mulume udi ne bua kudilongolola bua kuambula bujitu bua dîku kumpala kua kuela meji a kusela?
Tshilejilu tshia mu Bible:
Nsu 24:27—Kumpala kua muntu mulume kusela anyi pamuapa kulela bana, udi ne bua kuikala ne mudimu wamuvuija mukumbane bua kuambula bujitu bua dîku
Bua tshinyi mbimpe bantu badi babangilangane balombe mibelu ya meji ne bamanyangane bimpe pamutu pa kuimanyina anu pa tshimuenekelu tshiabu?
Tshilejilu tshia mu Bible:
Lut 2:4-7, 10-12—Boaza wakafika ku dimanya Luta bimpe pavuaye utangila ngenzelu wende wa mudimu, malu mimpe avuabu bamba bua bualu buende, muvuaye musombe bimpe ne Naomi, ne muvuaye munange Yehowa
Lut 2:8, 9, 20—Luta wakafika ku dimanya Boaza bimpe pavuaye umona muvuaye muena malu malenga, mupeshanganyi wa bintu, ne muvuaye munange Yehowa
Bua tshinyi Yehowa mmusue anu ne: bantu badi batantshilangana bua dibaka bikale bakezuke mu bikadilu?
Tshilejilu tshia mu Bible:
Nsu 5:18, 19—Kudi amue malu a mananga adibu mua kuenzelangana anu kudi badi mu dibaka
Mso 1:2; 2:6—Tshikondo tshivua nsonga mulami wa mikoko ne muana wa bakaji muena Shulama batantshilangana, bavua benzelangana anu malu a mananga mu mushindu mukezuke
Mso 4:12; 8:8-10—Muana wa bakaji muena Shulama wakashala mukezuke ne uvua udikanda; uvua bu budimi buvuabu bakange
Bua tshinyi bantu badi ne bua kuselangana bilondeshile mikenji ya mbulamatadi?
Mudimu wa mulume
Mmudimu kayi udi Yehowa mupeshe mulume?
Mulume udi ne bua kulonda tshilejilu tshia nganyi padiye ulombola ba mu dîku diende?
Bua tshinyi mulume udi ne bua kuleja ne: mmunange mukajende, mumanye bidiye nabi dijinga ne mudiye udiumvua?
Tshilejilu tshia mu Bible:
Gen 21:8-12—Yehowa wakambila Abalahama bua kuteleja mukajende Sala nansha muvua tshivua Sala umuambila katshiyi tshimusankisha
Nsu 31:10, 11, 16, 28—Mulume wa meji muena mukaji wa tshitembu udibu bakuile mu mvese eyi katu ulondesha kalu konso anyi musue anu kutula mukajende bilema to, kadi udi umueyemena ne umutumbisha
Ef 5:33—Mupostolo Paulo mmuleje ne: mukaji utu musue kumona ne: bayende mmumunange
Mudimu wa mukaji
Mmudimu kayi wa mushinga udi Yehowa mupeshe mukaji?
Mudimu wa mukaji ngua kupepeja anyi?
Tshilejilu tshia mu Bible:
Nsu 1:8; 1Ko 7:4—Nzambi mmupeshe mukaji anyi mamu bukokeshi kampanda mu dîku
1Ko 11:3—Mupostolo Paulo mmuleje ne: tuetu bonso tudi ku bukokeshi kampanda pa kumbusha Nzambi Wa Bukole Buonso
Eb 13:7, 17—Bantu bonso mu tshisumbu, balume nansha bakaji, badi ne bua kukokela badi balombola tshisumbu ne kubatumikila
Mmunyi mudi mukaji muena Kristo mua kusankisha Yehowa nansha bayende kayi muena kuitabuja?
Bua tshinyi mukaji muena Kristo udi ne bua kutungunuka ne kunemeka bayende?
Tshilejilu tshia mu Bible:
Gen 18:12; 1Pt 3:5, 6—Sala uvua unemeka bayende bikole, umumona bu “mukalenge” anyi mfumuende wa mu nyuma, nansha mu meji ende
Mmukaji wa mushindu kayi udibu batumbisha mu Bible?
Tshilejilu tshia mu Bible:
Gen 24:62-67—Lebeka wakakolesha bayende Izaka ku muoyo pavua mamuende mufue
1Sm 25:14-24, 32-38—Abigayila wakaya kulomba Davidi luse ne budipuekeshi buonso bua kukuba bayende mutshimbakane ne nzubu wende mujima
Est 4:6-17; 5:1-8; 7:1-6; 8:3-6—Mukalenge mukaji Esête wakateka muoyo wende mu njiwu, kuyaye kudi bayende misangu ibidi kabayi bamubikile, umulomba bua bakube bantu ba Nzambi
Dijikija bilumbu
Mmêyi manene kayi adi mua kuambuluisha mulume ne mukaji bua kujikija bilumbu bidi bijuka mu dibaka?
Mmêyi manene kayi adi mua kuambuluisha mulume ne mukaji bua kuikala ne nkatshinkatshi mu mushindu udibu bamona makuta?
Luk 12:15; Flp 4:5; 1Tm 6:9, 10; Eb 13:5
Bala kabidi tshiena-bualu tshia “Makuta”