Ntshikondo kayi tshitshivuavua bua bansonga betu?

MIKANU ya bintu bia nikleere​—nansha mikale ifumina ku bombe ya bantomboji anyi ku njiwu ya biapu bia nikleere—​idi itshinyisha bantu buonso. Pamu’apa udi uditatshisha bikole nangananga bua bansonga, ne bua bana anyi biikulu bebe. Mmushindu kayipu udibi bibungamija pa kujingulula se: mikanu ya bintu bia nikleere idi iteka makanda a mubidi ne tshikondo tshitshivuavua bia muana kayi yonso mu njiwu.

Kadi kuteketshi mu maboko nansha. Udi ne kabingila ka kuikala ne dikankamana pa bidi bitangila tshikondo tshitshivuavua tshia bansonga. Nshindamenu wa ditekemena edi, ki mmadikolela a bantu bua kukuba bansonga betu, kadi ntshikondo tshitshivuavua tshidi mu bianza bia Mutufuki.

Pavua Muana wa Nzambi, Yezu, ulongesha ku Moyen-Orient, wakaleja ditabalela bua bana. (Mâko 9:36, 37, 42; 10:13-16) Bible udi uleja ne: ditabalela dia muomumue nedilejibue pavua Nzambi, ku ndekelu wa bionso kujikija mikanu ya bintu bia nikleere ne kubanjija mparadizu pa buloba bujima. Bansonga betu badi mua kubabidila bionso abi, ne wewe pebe.

Biwikala ujinga kupeta mamanyisha a pa mutu, peshi ujinga bua muntu kampanda akukumbule bua kulonga Bible pamue nebe kabiyi kufuta mfranga, suaku webeje Bantemu ba Yehowa ba muaba uudi musombele anyi kudi Association “Les Témoins de Jéhovah,” B.P. 634 Limete, Kinshasa, Zaïre.