Nzambi udi ukokesha bulongolodi ebu anyi?

TUDI mu Dia lumingu mu dinda. Bantu ba bungi badi babiika mu bulalu, badilongolola, banua tshiayi, ne bapatuka lukasa batangile ku nzubu wa Nzambi. Ku muab’eu, badi bateleja muyuki pa mushindu udi Nzambi ne bukokeshi ku mutu kua bionso pa buloba bujima, kayi ne udi ufuilangana nende bukokeshi. Badi babambila mudiye utabalela bantu bikole. Badi batela kabidi Yezu Kristo. Badi mua kumvua mudiye Mukalenge wa bakalenge udi tshinu tshionso tshituibua panshi kumpala kuende bua butumike.

Bamana kufika ku mbelu bafuma ku nzubu wa Nzambi, bantu aba badi mua kukangula televizion bua kuteleja ngumu. Mpindieu badi bumvua bakula bua nzala, dibunda bibawu, dinua dia bintu bia lulengu, bupele. Ne badi babandila bimfuanyi bikuate luse bia masama ne lufu.

Bantu ba mushindu’eu badi mua kutuadija kudiebeja pa malu avuabu bumvue mu nzubu wa Nzambi, nangananga pa malu avua katshia kaayi manji kumvuijibua kuin’eku. Bu Nzambi mua kuikala wa dinanga ne wa bukole buonso, bua tshinyi malu makuate buôwa adi enzeka? Ne bidi munyi bua Yezu Kristo? Mbitekete bua kumvua se: kudi binu bia bungi bidi kabiyi bituibua panshi bua kumutumikila.

[Tshimfuanyi mu dibeji 3]

Bu Nzambi muikale ukokesha bulongolodi ebu, bua tshinyi kudi dikenga ne ndululu bia nunku?

[Mêyi a dianyisha bua tshimfuanyi mu dibeji 2]

Tshizubu: NASA photo