Tuadiakupetaku disulakana ku mianda bu eu anyi?

MUABA kayi wonso utudi tuya matuku aa, tudi tumona bintu bifunda bileja dikokangana, tshimvundu, ne mvita. Kadi tshipatshila tshia tshibejibeji etshi ki ntshia kusakidila ngumu mibi ku mikuabu yonso iwukadi mumvue. Bishilangane, nimero eu wa pa buende neakumanyishe malelela a busambi matue ku abidi. Bua kumpala mbua se: milayi ya kale ya mu Bible yakadianjila bushuwa kuamba bua ngumu mibi idi itondesha ya mu tshikondo tshietu etshi; buibidi mbua se: mukanda umue-umue eu wa milayi udi udianjila kuamba bua dituku dikala mianda bu eu udi muleja mu tshimfuanyi muab’eu mua kulua malu a kale. Kakutshiyi kabidi mvita. Kakutshiyi kabidi diela bombe, bashanganyi ba bingoma basokome, maloba mateya bia mvita bishipianganyi, anyi dibundangana. Kakutshiyi kabidi bana ba nshiya badi bakenga anyi bena tshimuangi kabayi nzubu. Bulongolodi bua ditalala dia bushuwa, didi ditukijija mutshima. Neujinge bua kumona tshikondo bu etshi anyi? Tudi tukulomba bua kutabalela tshidi Bible ne bua kuamba. Udi mua kupetamu busambi buvule kupita muutu kuyi muanji kubuelela meji.