Neuteleje didimuija anyi?

MU DIA 19 Lumungulu 1997, mvunda wakapitshila mu distrike dia Chittagong, mu ditunga dia Bangladesh. Mu tshimenga tshia Cox Bazaar bavua bapime lubilu luende luipatshila kilometre 250 ku dîba. Ku misoko, tuzubu tua nsona tuotu tuakajimina, tushiye anu bibundu bikese miaba ivuatu kumpala. Mitshi ne makunji a nshinga ya telefone bivua bishimbula; bikuabu bivua bitshibula bitupa bibidi bu tutshi tua alameta. Tshiena-bualu kampanda mu tshikandakanda tshia Bhorar Kagoj tshiakamanyisha ne: mvunda eu uvua mushipe bantu 105.

Tshibambalu tshia malu a mvula ne munya tshikavua tshimanyishe luseke luvua tshipepele etshi tshikole ne bua kuvuila mêba matue ku 36 kumpala. Kakuyi mpata, bantu ba bungi bakapanduka bualu nkama ya binunu bakanyemena mu bisokomenu bikolesha bua kupengama mvunda, bu tshidibu baleje muaba eu.

Kukadi mpindieu bidimu bipite pa lukama, Bantemu ba Yehowa badi bamanyisha lumu lua tshipupu tshikadi pabuipi tshikala mua kubutula kupita mvunda mikuabu yonso. Bible udi utshibikila ne: ‘dituku dinene dia Yehowa didi dikuatshisha buôwa.’ (Yoele 2:31) Pa kuteleja mukenji wa tshiprofete wa didimuija udi mu Bible, tudi mua kupanduka ku tshipupu etshi.​—Sefanya 2:2, 3.

Tòo, Bantemu ba Yehowa ki mbaprofete ba makenga nansha. Wabu mukenji udi ufila ditekemena. Mbasue kuambuluisha bantu bua balonge malu a Bukalenge bua Nzambi, bumbusha bubi buonso pa buloba mu katupa kîpi emu. Bible, Dîyi dia Nzambi, udi utuambila ne: ‘Tshitupa tshîpi katshiyi tshianji kulepa, muntu mubi kêna wikalaku kabidi; e, neukebe kumona muaba wende ne disuminyina, kêna wikalaku. Kadi badi ne mitshima mipuekele nebapiane buloba, mioyo yabu neisanke mu ditalala dikumbane.’​—Musambu 37:10, 11.

[Mêyi a dianyisha bua tshimfuanyi mu dibeji 32]

OMS/​Ligue de Croix Rouge