“Pangakaya ku Nzubu wa Bukalenge”

Bakapesha Laura,a eu uvua mulongi wa mu tulasa tubandile, mudimu uvua umulomba bua kubuela mu masangisha a tshitendelelu kampanda ne pashishe kufunda bivuaye mua kumonamu. Wakasungula Bantemu ba Yehowa, ne kakanda kakafundaye malu au wakakapesha mutu wa bualu ne: “Pangakaya ku Nzubu wa Bukalenge.” Mbualu kayi bua pa buabu, budi butangila Bantemu, buakamona Laura? Ku malu a bungi akatelaye kudi adi alonda aa.

Bana: “Bana bonso bavua mu nzubu umue bu bantu bakole. Mu bitendelelu bionso binkadi mubuele, bana batu bashiya baledi babu ne baya kubuela mu Kalasa ka mu Dia lumingu.”

Diumvuangana dia bisa: “Pa tshibidilu, bitendelelu bitu bisungula bena dikoba kampanda anyi tshisa kansanga. . . . Kadi, Bantemu ba Yehowa bavua basombe bonso pamue kakuyi kansungasunga.”

Diakidilangana: “Bantu ba bungi bakasemena kundi ne bakayikila nanyi. . . . Bamue bakangebeja né mvua ndonga Bible ne muntu kampanda. Kadi tshivua mmona bu bavua bangezeja ku bukole to. Bavua . . . balekele bua meme kuangata dipangadika.”

Kamuyi disangisha dia makuta: “Bumue bualu buakankemesha bikole mbua se: muntu nansha umue kavua mulue ne mulambu to. . . . Mu bitendelelu binkadi mubuele batu bafila milambu too ne mu tulasa tua bana.”

Kudi bisumbu bia Bantemu ba Yehowa bitue ku 90 000 pa buloba bujima. Bua tshinyi kubenga kuya mu tshidi pamue nenu?

[Mêyi adi kuinshi]