TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • w02 15/10 dib. 32
  • “Wikale ne meji mu matuku ebe atshilualua”

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • “Wikale ne meji mu matuku ebe atshilualua”
  • Tshibumba tshia Nsentedi tshidi tshimanyisha Bukalenge bua Yehowa—2002
Tshibumba tshia Nsentedi tshidi tshimanyisha Bukalenge bua Yehowa—2002
w02 15/10 dib. 32

“Wikale ne meji mu matuku ebe atshilualua”

Jean de la Bruyère, mufundi muena France wa mu bidimu bia 1600 wakamba ne: “Bantu bavule batu benza malu a bungi mu bidimu biabu bia ntuadijilu bavuija bia ku ndekelu kabiyi disanka.” Eyowa, nsonga wa mioyo ibidi udi mua kuikala utenkakana, uteketa mu mikolo anyi upeta tunyinganyinga. Ku lukuabu luseke, nsonga muena tshitunu udi mua kushala mukandamane mu njila udi kayi wa meji, udi mua kumunyangila disanka didiye mua kuikala nadi mu matuku atshilualua. Bua kuamba bualu pa bualu, mpekatu ya dibenga kuenza tshidi tshimpe ne tshiakane anyi kuenza malu mabi idi ifikisha ku makenga makole.

Mushindu kayi utudi mua kuepuka bia nunku? Dîyi dia Nzambi didi dibela bansonga ba mitshima ibidi ba nunku ne: ‘Uvuluke Mufuki webe mu matuku a bunsongalume buebe, padi matuku mabi kaayi manji kulua anyi bidimu kabiyi bianji kufika pabuipi, paudi wamba ne: Tshiena nabi disanka.’ (Muambi 12:1) Wewe muikale nsonga, enza malu a mushinga bua kulonga malu adi atangila “Mufuki webe” pautshidi mu matuku ebe a bunsonga apa.

Kadi mmushindu kayi udi Bible wambuluisha bansonga bua kuepuka dipanga lungenyi dia ku bunsonga? Udi wamba ne: “Uteleje mibelu, ulonde bidibo bakulongesha, pashishe neupete meji.” (Nsumuinu 19:20, MMM) Bible udi kabidi uleja patoke ne: dibenga kulonda meji a Nzambi, bua dialengulula anyi mu dibenga kualonda mu bunsonga anyi mu bidimu kayi bionso, ditu dilopola bipeta bia dibungama. (Nsumuinu 13:18) Kadi dilonda mikenji ya Nzambi diodi neditufikishe ku ‘dilepa dia matuku ne bidimu bia muoyo ne ditalala,’ ditufikisha too ne ku nsombelu wa disanka udi mukumbane tshishiki.​—Nsumuinu 3:2.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu