Dituku dia kuvuluka

BUTUKU bua kumpala kua kufuaye, Yezu Kristo wakapa bapostolo bende diampa kadiyi diela luevene ne dikopo dia mvinyo mukunze, pashishe e kubambilaye bua kudia ne kunua. Wakabambila kabidi ne: “Nuikale nuenza nenku bua kumvuluka.”​—Luka 22:19, MMM.

Tshidimu etshi, dituku dia tshivulukilu tshia muanda eu nedikumbane mu Dia lumingu dia 4 ngondo muinayi, dîba dimane kubuela. Bantemu ba Yehowa ba pa buloba bujima nebadisangishe butuku ebu bua kuenza Tshivulukilu etshi mu mushindu uvua Yezu muambe bua kuikala kutshienza. Tudi tukubikila ne disanka dionso bua kudisangisha pamue nabu. Suaku webeje Bantemu ba Yehowa ba muaba uudi musombele dîba dijalame ne muaba wikala tshisangilu etshi tshia pa buatshi ne bua kuenzekela.