“Udi mumanye dîna dia Nzambi anyi?”

LUKONKO elu luakakoka ntema ya mamu mukuabu ku Sud-Est kua Asie wa pankatshi. Lukonko elu luvua pa tshizubu tshia tshibejibeji tshietu tshia Réveillez-vous! wa dia 22 Tshiongo 2004. Mamu eu wakatufundila wamba ne: “Tshibejibeji tshienu tshiakakoka ntema yanyi diakamue ne kungambuluisha bua meme kushindamena pa bikadilu bimpe. Meme kutuadija kumona malu mu mushindu muimpe. Ndi ngambila bantu bonso malu a Nzambi wetu ne bua ditalala didi dimanya edi dipetesha.”

Bushuwa, mu miaba ya bungi, too ne “kunfudilu kua buloba,” bantu badi benda bamanya dîna dia Nzambi Yehowa. (Bienzedi 1:8) Tshilejilu, dîna edi mu muakulu wa Turkménistan didi ne: Yehowa, ne mbitekete bua kudipeta mu Bible wa mu tshiena Turkménistan. Musambu 8:1 udi wamba ne: ‘Yehowa, Mukalenge wetu, ke mudi dîna diebe ne butumbi pa buloba buonso nunku!’

Mamu eu wakalomba broshire wa Le nom divin qui demeure à jamais bua kumona mua kumanya Yehowa Nzambi bimpe menemene. Wewe pebe udi mua kulomba broshire eu wa mabeji 32 kudi Bantemu ba Yehowa.