Tshikebelu

Mmitshipu bungi kayi iudi muenze kudi Yehowa? Umue anyi? ibidi anyi? Peshi ya bungi anyi? Udiku umona ne: udi wenza muebe muonso bua kuyikumbaja anyi? Kadi netuambe tshinyi bua mutshipu webe wa didilambula ne wa dibaka? Tshiena-bualu etshi tshidi tshituvuluija tshilejilu tshimpe tshidi Yefeta ne Hana batuishile patudi tudienzeja bua kukumbaja mitshipu yetu kudi Nzambi ne lulamatu luonso.

Misangu ya bungi tutu tuela meji bua tshiatupesha Yehowa mu Mparadizu, kadi mu tshiena-bualu etshi, netutambe kuakula bua tshiumbushaye. Ntshinyi tshiumbusha Yehowa bua kukebesha ditalala ne disanka pa buloba? Kuelela nkonko eyi meji nekukoleshe ditabuja dietu ne dipangadika dietu dia kunanukila.

Patudi tumona ne: mbatuenzele anyi benzele muntu mukuabu bualu bubi kakuyi bualu, ditabuja dietu, budipuekeshi ne lulamatu luetu bidi mua kutetshibua. Biena-bualu ebi bidi biakula bua miyuki isatu ya mu Bible idi mua kutuambuluisha bua kumona kulumbulula kuakane anu mudi Yehowa ukumona.

Yehowa mmukumbane mu bionso; kadi udi usanka padiye umona dijinga dikole ditudi nadi dia kutua bumfumu buende mpanda. Balumbuluishi nshapita 4 ne 5 udi uleja mudi Yehowa utuanyisha patudi tudisuika pamue bua kulonda buludiki buende.