Tshikebelu

Bua bantu ba Yehowa, kuimba misambu kutu anu tshitupa tshinene tshia ntendelelu wabu. Kadi bitu bitonda bamue bua kuimba misambu pa bantu. Mmunyi mutudi mua kumbusha buôwa bua kupatula dîyi bua kutumbisha Yehowa ne misambu? Tshiena-bualu etshi tshidi tshituleja malu mimpe adi atusaka bua kuimba ne dîyi dikole ne disanka, ne tshidi tshitupesha mibelu idi mua kutuambuluisha bua kuakaja dîyi dietu dia misambu.

Tudi mua kupetela malongesha a mushinga ku bualu bua misoko ya kunyemena buvuabu balongolole mu Isalele wa kale. Mu tshiena-bualu tshia kumpala, ukebe bua kumanya mudi benji ba mpekatu mua kunyemena kudi Yehowa lelu eu. Mu tshibidi, ukebe bua kumona mudi tshilejilu tshia Yehowa tshituambuluisha bua kufuila bakuabu luse, kunemeka muoyo, ne kuenza malu ne buakane.

Biena-bualu bibidi ebi mbimanyine pa mibelu ivua Paulo mufundile bena Kristo ba mu Kolosayi ku diambuluisha dia nyuma. Tshiena-bualu tshia kumpala tshidi tshileja tshitudi mua kuenza patudi tumvua ngenyi ya bena panu idi mua kumueneka bu idi isankisha anyi bu milelela. Tshibidi tshidi tshituvuluija mutudi mua kuepuka malu adi mua kutupangisha masanka adi Yehowa mutulaye.