Ntshinyi tshidi tshituindile kumpala eku?

Tshibumba tshia Nsentedi etshi ki ntshia kupana to. Dipatuka diatshi ngumue wa ku midimu idi yenzeka pa buloba bujima ne makuta adi bantu bafila ku budisuile bua kulongeshangana Bible. Bua kufila makuta, buela mu adrese wa www.jw.org. Padibu kabayi baleje Bible mukuabu, mvese yonso mmiangatshila mu Bible​—Nkudimuinu wa bulongolodi bupiabupia udi ne ngakuilu wa matuku aa.

KIPATSHILA ka Tshibumba tshia Nsentedi nka kutumbisha Yehowa Nzambi, Mfumu wa diulu ne buloba. Tshidi tshikolesha bantu bonso ku muoyo ne lumu luimpe lua ne: mu katupa kîpi emu, Bukalenge bua Nzambi bua mu diulu nebujikije malu mabi onso, nebuvuije kabidi buloba ebu mparadizu. Tshidi tshisaka bantu bua kuikala ne ditabuja kudi Yezu Kristo wakafua bua tuetu kupeta muoyo wa tshiendelele, ne udi ukokesha mpindieu bu Mfumu mu Bukalenge bua Nzambi. Bantemu ba Yehowa mbatuadije kupatula tshibejibeji etshi katshia ku 1879 too ne lelu. Kabatu banji kutupika nimero nansha umue to. Katshitu tshia malu a tshididi to. Ntshishindamene anu pa malu a mu Bible.