Tshikebelu

Bantu ba bungi lelu badi baditatshisha bikole bua kukeba butumbi mu bulongolodi bubi ebu. Tshiena-bualu etshi netshituleje bua tshinyi tudi ne bua kudifila bikole bua kukeba lumu ludi Yehowa upesha batendeledi bende ba lulamatu. Netumone kabidi mudi Yehowa upesha bantu lumu, imue misangu mu mishindu idibu kabayi batekemene.

Mu tshiena-bualu etshi, netumone bua tshinyi Mose, muntu wa lulamatu, uvua mujimije diakalenga dia kubuela mu Buloba Bulaya. Netshituambuluishe kabidi bua kumanya mutudi mua kubenga kukuluka mu buteyi buvua bukuate Mose.

Yehowa ke udi mufuke bantu bonso, nunku udi utulomba bua tumulamate anu yeye. Kadi bamue bantu badi babenga kutumikila mikenji ya Nzambi eku bamba mudibu bamulamate. Mu tshiena-bualu tshia kumpala, netupete malongesha a mushinga mukole mu muyuki wa mu Bible wa Kayina, wa Solomo, wa Mose, ne wa Alona. Mu tshiena-bualu tshibidi, netumone mishindu mishilashilangane itudi mua kuleja dianyisha bua diakalenga ditudi nadi dia kuikala bantu ba Yehowa.