Tshikebelu

Wewe kuyi wenza mudimu ne dimanya, kadiakuikala nangananga ne mushinga to. Kadi bidi bikengela tuikale ne didipuekesha bua kutumikila bitudi tulonga. Tshiena-bualu etshi netshitukankamije bua kuikala ne didipuekesha patudi tuidikija bilejilu bidi mu Bible bia bantu bavua bayisha bantu ba mishindu yonso, basambila bua bakuabu, ne balekela bua Yehowa adiangatshile malu mu bianza.

Mu bikondo bikole bitudi ebi, mbipepele bua ntatu ya mu nsombelu kututekesha anyi kutupuila panshi. Yehowa ne Yezu badi batuambuluisha bua kupita nayi bimpe. Kadi tuetu bonso tudi ne mudimu wa kukoleshangana ne kukankamijangana. Tshiena-bualu etshi tshidi tshileja mutudi mua kukoleshangana mu dinanga.

Yehowa udi Nzambi wa disanka. Mmusue bantu bende bikale ne disanka. Kadi mmunyi mutudi mua kuikala ne disanka nansha mutudi tutuilangana ne ntatu ne mateta mu bulongolodi bua Satana ebu? Yezu wakafila mibelu mimpe idi mua kutuambuluisha bua kuikala ne disanka dia kashidi mu Muyuki wende wa pa mukuna.

Bantu ba panu badi anu benda balua badinangi, kadi bena Kristo balelela bobu mbashilangane nabu bualu mbanangangane bikole. Umue mushindu wa dinanga didibu nadi nkutabalela majinga a bakuabu; ke bualu budi biena-bualu bibidi ebi bitamba kuakuila. Mu tshia kumpala netumone mudi Yehowa mutushile tshilejilu tshimpe tshia ditabalela majinga a bakuabu. Mu tshibidi, netumone imue mishindu mimpe itudi mua kumuidikija.