Mamanyisha

◼ Difila dia mu Luîshi: Broshire. Luabanya: Udi mua kuikala ne muoyo wa kashidi pa buloba bukudimuna mparadizu. Tshisanga: Udi mua kuikala ne muoyo wa kashidi pa buloba bukudimuna mparadizu ne broshire. Lumungulu: Les Saintes Écritures — Traduction du monde nouveau pamue ne mukanda wa La Bible: Parole de Dieu ou des hommes? Kabalashipu: Le plus grand homme de tous les temps.

◼ Bisumbu nebiangate ndongoluelu milenga bua Tshivulukilu tshikala ne bua kuenzeka tshidimu etshi mu ditanu dia 14 Tshisanga kunyima kua dibuela dia dîba. Nansha mutudi tujinga bua tshisumbu tshionso kuenzatshi Tshivulukilu pa nkayatshi, kabisombela bienzeka amu nunku. Mu miaba idi bungi kampanda bua bisumbu bisangila mu Nzubu umue wa Bukalenge, bidi mua kuikala bimpe bua tshisumbu tshimue anyi bivule bia ku biobi kusangila mu miaba mikuabo dilolo adi. Tshivulukilu katshiena ne bua kutuadija ku shòò tshifuana kutondesha bantu badi bafuma ku dileja dianyisha. Ku luseke lukuabo, kabiena bikengela kufimpakaja dilondangana dia malu mu mushindu udi dîba mua kupangika kumpala ne kunyima kua Tshivulukilu bua kuela babikidibue muoyo, kuyukila ne bamue ba kudibo bua kubatuadila diambuluisha dia mu nyuma anyi bua badi basangile kukoleshanganabo ku muoyo. Kunyima kua dikonkonona bimpe malu wonso adi atangila bualu ebu, bakulu nebajadike malongolola a kuangata bua kufikisha buonso batantshila Tshivulukilu ku dibabidila bualu ebu mu kabujima.

◼ Diyuki dia pa buadi dilongolola mu tshikondo tshia Tshivulukilu nedienzeke pa buloba bujima mu dia lumingu dia 23 Tshisanga 1995. Nedikale ne tshiena-bualu: “Ndekelu wa bitendelelu bia dishima ukadi pabuipi.” Plan neafidibue. Bisumbu bikala ne dikumbula dia mutangidi wa tshijengu, mpuilu wa tshijengu anyi mpuilu wa pa buende wa dituku dimue lumingu alu, nebiteleje diyuki dia pa buadi lumingu lualonda. Tshisumbu nansha tshimue katshiakuenza diyuki edi kumpala kua dia 23 Tshisanga nansha.

◼ Bibutshilu bia tshisumbu tshionso nebikonkononyibue diakamue padiku mushindu kunyima kua dia 1 Luabanya.

◼ Sekretere ne mutangidi wa mudimu nebakonkonone mudimu wa bampanda-njila ba pa tshibidilu buonso. Pikala bamue ne ntatu ya kukumbaja tshipatshila tshiabo tshia mêba, bakulu nebadilongolole bua kubapetesha diambuluisha.

◼ Bamanyishi badi bajinga kuikala bampanda-njila bambuluishi mu Luabanya ne mu Tshisanga badi ne bua kudilongolola kutuadija ku mpindieu ne kuuja malomba abo kumpala kua dîba. Ebi nebiambuluishe bakulu bua kuangata mapangadika adi akengedibua bua buambi ne kulongolola bungi bukumbane bua mikanda.